Pambuluh nadi
![](http://178.128.105.246/cars-http-upload.wikimedia.org/wikipedia/commons/8/82/Ett_stycke_av_en_art%C3%A4r_starkt_f%C3%B6rstorad%2C_Nordisk_familjebok.png)
Pambuluh nadi utawa arteri iku pambuluh getih kang ana ototé kang nggawa getih saka jantung. Fungsi iki walikané fungsi pambuluh balik kang nggawa getih nuju jantung.
Sistem sirkulasi wigati banget kanggo mempertahankan urip. Fungsi mligi ya iku ngirim oksigèn lan nutrisi nuju kabèh sel, sarta ngangkud dat buwangan kaya karbon dioksida. Ing nagara tumuwuh, loro kadadèan pepati utama dijalari déning infark miokardium lan stroke ing sistem pambuluh getih, umpamané arterosklerosis.
Panggambaran
[besut | besut sumber]Sistem pambuluh nadi nduwé pérangan tekanan kang dhuwur ing sistem sirkulasi. Tekanan getih racaké nunjukaké tekanan ing pambuluh nadi utama. Tekanan nalika jantung ngembang lan getih lumebu ing jantung karan diastol. Tekanan sistol tegesé tekanan getih nalika jantung kontraksi lan getih metu saka jantung. Tekanan getih iki bisa dikur kanthi tensimeter utawa sfigmomanometer.
Anatomi
[besut | besut sumber]![](http://178.128.105.246/cars-http-upload.wikimedia.org/wikipedia/commons/thumb/0/05/Anatomy_artery.png/350px-Anatomy_artery.png)
Lapisan paling njaba karan tunika adventitia kang kasusun saka jaringan panyambung. Ing lapisan saterusé ana tunika médhia kang kasusun saka otot polos lan jaringan elastis. Lapisan paling njero ya iku tunika intima kang kasusun saka sel endothelial. Getih mili ing njero ya iku ing lumen.
Jinis pambuluh nadi
[besut | besut sumber]Ana sapérangan jinis pambuluh nadi ing awak, ya iku:
Arteri pulmonaris
[besut | besut sumber]Pambuluh iki nggawa getih kang wis dideoksigenasi kang gèk entes waé diilèkaké saka paru-paru.
Arteri sistemik
[besut | besut sumber]Arteri sistemik nggawa getih nuju arteriol lan banjur nuju pambuluh kapiler, ing ngendi dat nutrisi lan gas diijolaké.
Aorta
[besut | besut sumber]Aorta iku pambuluh nadi gedhé dhéwé ing awak kang metu saka ventrikel jantung lan nggawa akèh oksigèn.
Arteriol
[besut | besut sumber]Arteriol iku pambuluh nadi paling cilik kang gegandhéngan karo pambuluh kapiler.
Pambuluh kapilèr
[besut | besut sumber]Pambuluh iki dudu pambuluh nadi sabeneré. Ing kéné dumadi ijolan dat kang dadi fungsi utama sistem sirkulasi. Pambuluh kapilèr iku pambuluh kang nggandhéngaké cawang-cawang pambuluh nadi lan cawang-cawang pambuluh balik kang paling cilik karo sel-sel awak. Pambuluh nadi lan pambuluh balik iku nduwé akèh cawang, lan ukuran cawang-cawang pambuluh iku saya adoh saka jantung saya cilik. Pambuluh kapilèr alus banget lan dindingé tipis.