Minetest
![]() | Kaca punika merlokaken pemutakhiran informasi. Panjenengan saged mbiyantu nambah informasi ingkang sampun wonten, lan salajengipun mbisak tag punika |
Minetest (diwaca MAIN-tès; biyèné diarani Minetest-C55) kuwi dolanan video kang gratis lan migunakaké Irrlicht 3D engine lan diprogram ing C++.[1][2] Dolanan iki kalêbu dolanan video bak wêdhi. Digawé déning Perttu "celeron55" Ahola lan kontributor liyané lan dirilis ing sangisoré lisènsi LGPL.
Minetest digawé amarga diinspirasi saka InfiniMiner lan dolanan sak rupa. Dolanan iki bakuné ing kréatifitas lan gawé wangunan, supaya pêmain bisa mbangun konstruksi saka kothak manéka warna ing donya 3D, kanthi dikênal minangka donya voxel.[3]
Alur saka dolanan iku dipérang ing loro modê utama:
- Jaga panguripan (survival), kang mbutuhaké pêmain kanggo ndarbéni sumbêr awaké dhéwé lan njaga kêwarasan.
- Kréatip, pêmain nduwé sumbêr tanpa watês, lan kabisan khusus liyané (kaya ta mabur, nêmbus témbok, pindhah cêpêt, lan liya-liyané).
Minetest bisa didolani ing modê sak pêmain utawa akéh pêmain. Minetest nduwé prosés modhifikasi kang mbukak lan gampang, nggunakaké basa Lua lan bisa lumaku lancar ing mêsin lawas lan anyar.
Lumakuné Dolanan
[besut | besut sumber]Dolanan Minetest kuwi bisa sak-saké kang main, nanging duwé tujuan utama: bisa urip waras lan gawé papan panggonan kanggo urip slamêt. Wêktu mulai dolanan, lakoné bakal ana ing panggon acak ing panggon kang bakal digawé karo dolanané.
Donyané kasusun saka kubus 3D kang diarani node, kang manéka wêrna (kaya ta kayu, lêmah, watu) lan ukurané kira-kira 1 mètêr kubik. Blok-blok kasêbut ditata supaya kabêntuk gunung, lêmbah, têbing, lsp. Uga ana manéka warna bioma.
Sing main bisa ngêdhuk manéka warna bahan, kang bakal mêtu ing invéntarisé kang dolanan. Sabanjuré kuwi, kang main bisa dèlèh blok kang wis dikêdhuk sadurungé, saéngga kang main bisa gawé wangunan manut gêlêmé kang main. Kanggo ngéntukké barang liyané, kang main kudu gawé kêrajinan (misalé gawé kapak kanggo nambang wijih wêsi).
Ana manéka wêrna minêral lan bahan-bahan ing Minetest, saka wit-witan lan lêmah nganti kang angél digolékki kaya "Mese" (diwaca biasa), kang dinggo gawé pêdhang, kapak, beliung, sêkop, lan uga dadi bahan utama ing modhifikasi "Mesecons" (kaya "redstone" saka Minecraft).[4]
Sing main uga nduwé kêwarasan kang bisa kélong amarga dêmok lava, jiblok saka panggon dhuwur, utawa kadadêan liyané. Kêwarasan bisa balik saka mangan apêl utawa panganan liyané. Pas kang main duwé nol kêwarasan, lakoné bakal mati, lan bakal urip manèh ing panggon acak.
Donya dolanan digawé têrus-têrusan pas kang main njlajah panggonan anyar ing donya kasêbut. Minetest duwé donya kang jêmbar bangêt.[2] Sênadyan ana batês donyané. Dolanan iki bisa kaya ngono amarga donyané dibagi dadi blok-blok kang diarani MapBlocks, kang mung dimot pas gawé donya utawa ana kang main ing cêdhaké.
Lakon dudu kang main (uga disêbut NPC, uga diarani dadi mobs) bisa ditambahké kanthi cara masang modhifikasi.
Modê jaga panguripan (survival)
[besut | besut sumber]![](http://178.128.105.246/cars-http-upload.wikimedia.org/wikipedia/commons/thumb/3/3b/Minetest_LazyJ%27s_Forge_in_survival_mode.png/220px-Minetest_LazyJ%27s_Forge_in_survival_mode.png)
Ing modê iki, kang main nduwéni kêwarasan kang bisa kélong amarga ana kadadéan kang gawé kélong. Yèn lakoné mati, bakal urip manèh ing panggon acak utawa kang wis ditêmtokaké.
Sing main bisa ngêdhuk bahan-bahan. Bahan-bahan kuwi bisa diolah (digawé kêrajinan) kanggo gawé barang kang luwih bêcik.
Dolanan iki duwé sistêm invéntaris, lan kang main diwatêsi cacahé barang kang digawa. Sing main diwènèhi 32 panggon kanggo barang, kang bisa nampung paling sithik 1 barang lan mung 1 jênis kanggo sabên panggon. Sabên panggon bisa diisi paling akéh manut dolanané, kang diarani tumpukan (stack).
Gawané, kang main lawan kang main liyané diolèhké lan ngolèhké anané padu antara kang main.
Modê kréatif (creative)
[besut | besut sumber]![](http://178.128.105.246/cars-http-upload.wikimedia.org/wikipedia/commons/thumb/1/11/Minetest_LazyJ%27s_Forge_with_creative_inventory_opened.png/220px-Minetest_LazyJ%27s_Forge_with_creative_inventory_opened.png)
Ing modê iki, gêgayuhan utama kang main iku bangun apa waé.
Sing main bisa jipuk barang sak gêlêmé. Sing main namung nyérét barang saka invéntaris kréatif mênyang invéntaris kang main. Yèn kang main utawa kang ngurus nambahké modhifikasi, barang anyar kuwi uga bakal muncul. Ing modê iki, mobs isih bisa muncul, kaya ing modê jaga panguripan (survival).
Sêjarah
[besut | besut sumber]Minetest iki pisanan ditêrbitaké déning Perttu "celeron55" Ahola liwat GitHub ing 31 Juli 2011 kang vérsi 0.2.20110731_3. Banjur éntuk akèh pangguna, akèh kang banjur mèlu bangun Minetest. Padha nulungi karo mbênakake bug, nambah fitur, modifikasi, utawa gagasan.
Dhaftar vérsi
[besut | besut sumber]Punika dhaptar vérsi wiwit 0.4.3 nganti saiki.[5]
![](http://178.128.105.246/cars-http-upload.wikimedia.org/wikipedia/commons/thumb/1/13/Minetest_creative_mode.png/220px-Minetest_creative_mode.png)
![](http://178.128.105.246/cars-http-upload.wikimedia.org/wikipedia/commons/thumb/6/62/Minetest_screenshot.png/220px-Minetest_screenshot.png)
Vérsi | Tanggal Rilis | Owah-owahan pênting |
---|---|---|
0.4.3 | ? | ? |
0.4.4 | 6 Dhésèmber 2012 |
|
0.4.5 | 4 Maret 2013 |
|
0.4.6 | 3 April 2013 |
|
0.4.7 | 6 Juni 2013 |
|
0.4.8 | 24 Novèmber 2013 |
|
0.4.9 | 1 Januari 2014 |
|
0.4.10 | 6 Juli 2014 |
|
0.4.11 | 24 Dhésèmber 2014 |
|
0.4.12 | 18 Fèbruari 2015 |
|
0.4.13 | 20 Agustus 2015 |
|
0.4.14 | 15 Mei 2016 |
|
0.4.15 | 22 Dhésèmber 2016 |
|
0.4.16
(saiki) |
3 Juni 2017 |
|
0.4.16-dev
(testing) |
Sabên wêktu | Owah-owahan wiwit 0.4.16 nganti saiki (basa Inggris) |
Gambar
[besut | besut sumber]-
Gambar saka donya siji-pamutêr. (Minetest 0.4.13-dev)
-
Gambar kang padha tapi ing wêktu soré. (Minetest 0.4.13-dev)
-
Gambar kang padha ing wêktu wêngi. (Minetest 0.4.13-dev)
Rujukan
[besut | besut sumber]- ↑ "Minetest, Free and Open Source Sandbox Game Inspired by Minecraft". Linux Game News.
- ↑ a b "Situs resmi".
- ↑ "Free open-source Minecraft-inspired game". Diarsip saka sing asli ing 2012-08-09. Dibukak ing 2017-11-25.
- ↑ "Mesecons - Situs rêsmi".
- ↑ Changelog - Minetest Developer Wiki. Diakses 20 Juli 2017.