Pambuluh balik
![](http://178.128.105.246/cars-http-upload.wikimedia.org/wikipedia/commons/thumb/c/c2/Venous_system_en.svg/220px-Venous_system_en.svg.png)
Pambuluh balik utawa vena iku pambuluh sing nggawa getih nuju jantung. Getihé ngandhut akèh karbon dioksida. Lumrahé ana ing cerak lumah awak lan katon rada biru. Dinding pambuluhé tipis lan ora élastis. Yèn didemèk, denyut jantungé ora bisa dirasakaké. Pambuluh vena nduwé katup ing sadawané pambuluhé. Katup iki duwé fungsi supaya getih tetep mili saarah. Kanthi anané katup mau, ilining getih tetep mili nuju jantung. Yèn vena kagorès lan suwèk, getih ora muncrat nanging ngrembes.
Saka kabèh awak, pambuluh getih balik muarané dadi siji pambuluh getih balik sing gedhé, sebutané vena cava. Pambuluh getih iki lumebu nuju jantung liwat serambi tengen. Sawisé dumadi ijolan gas ing paru-paru, getih mili nuju jantung manèh liwat vena paru-paru. Pambuluh vena iki nggawa getih sing kebak oksigèn. Dadi, getih ing kabèh pambuluh vena ngandhut akèh karbon dioksida kajaba vena pulmonalis.
Artikel iki minangka artikel rintisan. Kowé bisa ngéwangi Wikipédia ngembangaké. |