Parij universiteti
![](http://178.128.105.246/cars-http-upload.wikimedia.org/wikipedia/commons/thumb/c/ca/Coat_of_arms_of_the_University_of_Paris.svg/240px-Coat_of_arms_of_the_University_of_Paris.svg.png)
Parij universiteti — (francuzsha Université de Paris), (metonimiyalıq jaqtan Sorbonna dep tanılǵan (Francuzsha: [sɔʁbɔn]), Franciyadaǵı iri oqıw hám ilimiy oraylardan biri. 1150-jılı tiykar salınǵan. 1215-jıl shirkew mektep negizinde júzege kelip, Evropada birinshi dúnyalıq universitet esaplanǵan. Dáslep kórkem-óner, huqıq, teologiya, medicina fakultetleri bolǵan. 1257-jılda Parijdıń Latın kvartalında Sorbonna dep atalǵan kolledj islengen (tiykarshısı — R.De Sorbon atı menen baylanıslı). XVII ásirde Sorbonna kolledji menen Parij universiteti qosılıp, olardıń hár eki atı anıq qollanıla basladı. Parij universiteti orta ásirlerde hám XVII ásirge shekem Evropada teologiya hám yurisprudensiya salasında iri oqıw jurtı hám ilimiy oray esaplanǵan. 1793-jılı Konvent sheshimine muwapıq universitet jabıladı hám 1806-jılda qayta tiklenedi. A.Lavuazye, L.Paster, P.Kyuri, J.B.Perren, P.Lanjeven sıyaqlı ataqlı ilimpazlar iskerligi Parij universiteti menen baylanıslı. 1970-jıllarda Parij universiteti qayta dúzilip, 13 ǵárezsiz universitet shólkemlestiredi. Universitet huqıq hám ekonomika pánleri, tábiyiy pánler, ádebiyat, sociallıq pánler, medicina, farmokologiya boyınsha qániygeler tayarlaydı. Universitette birqansha ilimiy izertlew institutları, oraylar, joqarı mektepler, kitapxanalar da bar. Universitette 250 mıńnan aslam student tálim aladı[1].
Derekler
[redaktorlaw | derekti redaktorlaw]![]() | Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |