ಹೈಲೈಟ್ಸ್‌:
- ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರದಲ್ಲಿ ಯಾವುದೇ ಬದಲಾವಣೆ ಇಲ್ಲ
- ಸುಕನ್ಯ ಸಮೃದ್ಧಿ ಯೋಜನೆ (ಎಸ್‌ಎಸ್‌ವೈ), ಪಬ್ಲಿಕ್‌ ಪ್ರಾವಿಡೆಂಟ್‌ ಫಂಡ್‌ (ಪಿಪಿಎಫ್) ಬಡ್ಡಿ ದರ ಮುಂದುವರಿಕೆ
- ಪಿಪಿಎಫ್ ಮೇಲಿನ ಬಡ್ಡಿ ಶೇ. 7.1, ಉಳಿತಾಯ ಠೇವಣಿಗೆ ನೀಡಲಾಗುವ ಬಡ್ಡಿ ದರ ಶೇ.4ರಷ್ಟಿದೆ
ಇದರಲ್ಲಿ ಸುಕನ್ಯ ಸಮೃದ್ಧಿ ಯೋಜನೆ (SSY), ಪಬ್ಲಿಕ್‌ ಪ್ರಾವಿಡೆಂಟ್‌ ಫಂಡ್‌ (PPF), ಹಿರಿಯ ನಾಗರಿಕರ ಉಳಿತಾಯ ಯೋಜನೆಗಳು (SCSS), ಅಂಚೆ ಇಲಾಖೆ ಠೇವಣಿ ಸೇರಿದಂತೆ ಹಲವು ಯೋಜನೆಗಳಿಗೆ ಇದು ಅನ್ವಯವಾಗುತ್ತದೆ.
ಪಿಪಿಎಫ್ ಬಡ್ಡಿ ದರ 7.1% ಮುಂದುವರಿಯಲಿದೆ
ಪಿಪಿಎಫ್ ಮೇಲಿನ ಬಡ್ಡಿ ಶೇ. 7.1, ಉಳಿತಾಯ ಠೇವಣಿಗೆ ನೀಡಲಾಗುವ ಬಡ್ಡಿ ದರ ಶೇ.4ರಷ್ಟಿದ್ದು ಅದರಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಕಿಸಾನ್‌ ವಿಕಾಸ್‌ ಪತ್ರದ ಮೇಲಿನ ಬಡ್ಡಿ ದರ ಶೇ.7.5 ರಷ್ಟಿದ್ದು ಇದರಲ್ಲಿ ಬದಲಾವಣೆಯಾಗಿಲ್ಲ. ರಾಷ್ಟ್ರೀಯ ಉಳಿತಾಯ ಪತ್ರ (ಎನ್‌ಎಸ್‌ಸಿ) ಬಡ್ಡಿ ದರ ಶೇ.7.7ರಲ್ಲೇ ಸ್ಥಿರವಾಗಿದೆ.ಪಿಪಿಎಫ್ ಮತ್ತು ಅಂಚೆ ಇಲಾಖೆ ಇಲಾಖೆ ಉಳಿತಾಯ ಯೋಜನೆಗಳು, ಅವಧಿ ಬದ್ಧ ಠೇವಣಿ, ಸುಕನ್ಯಾ ಸಮೃದ್ಧಿ ಯೋಜನೆಗಳ ಬಡ್ಡಿ ದರಗಳನ್ನು ಪ್ರತಿ ತ್ರೈಮಾಸಿಕದಲ್ಲಿ ಪರಿಶೀಲನೆಗೆ ಒಳಪಡಿಸಲಾಗುತ್ತದೆ. ಜಿಡಿಪಿ ದರ ಏರುಗತಿಯಲ್ಲಿದ್ದರೂ ಉಳಿತಾಯ ಯೋಜನೆಗಳಿಗೆ ಬಡ್ಡಿ ಹೆಚ್ಚಳ ಮಾಡದೆ ಯಥಾ ಸ್ಥಿತಿಯಲ್ಲಿ ಉಳಿಸಿಕೊಂಡಿರುವುದಕ್ಕೆ ಹಣಕಾಸು ತಜ್ಞರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಬಡ್ಡಿ ದರ ಯಥಾಸ್ಥಿತಿ ಕಾಯ್ದುಕೊಂಡಿರೋದು ಹೂಡಿಕೆದಾರರಿಗೂ ನಿರಾಸೆ ಮೂಡಿಸಿದೆ.
