Biscum
![Biscum: insigne](http://178.128.105.246/cars-http-upload.wikimedia.org/wikipedia/commons/thumb/4/41/Coat_of_Arms_of_Biysk_%28Altai_krai%29_%281804%29.png/85px-Coat_of_Arms_of_Biysk_%28Altai_krai%29_%281804%29.png)
Locus: 52°31′0″N 85°10′0″E
Numerus incolarum: 183 852
Zona horaria: UTC+07:00, Tempus Crasnoiarianum
Situs interretialis
Gestio
Procuratio superior: Biysk Urban Okrug
Geographia
Biscum (Russice Бийск, tr. Bijsk) vel Bicatunium[1] est urbs in Russia et secunda maxima urbs territorii Altaici, circa 184 milia incolarum (anno 2021) habens.
Situs urbis
Biscum in australi parte Siberiae occidentalis, iuxta flumen Biam (ex qua nomen urbis genuit) prope confluentem huius fluminis et fluvii Catunae iacet.
Historia urbis
Anno 1709, secundum imperatum Petri I arx lignea inter flumina Bia et Catuna loco confluentis fluviorum illorum condita est, e nominibus fluminum Bicatunensis[2] appellatur. Arx illa anno 1710 destructa est a Dzungaris, gente nomadica, sed anno 1718 restaurata loco novo, circiter 20 chiliometra ab loco prisco, in ripa dextra Biae. Anno 1732, propter mutationem dispositionis, arx Bicatunensis renominata est Biensis vel Biscensis (quum nomine prisco et postea nonnumquam utebantur[2]), et anno 1782 facta est urbs Biscum.
Anno 1804, urbi est datum insigne: pictura urbis "in area azurea in monte aureo puteus montanus." In parte superiore insignis illius enim insigne Tomii (equus albus vel argenteus in viride) positum est, quia illo tempore (et ad annum 1917) Biscum ad gubernium Tomense pertinebat.
Saeculo undevicesimo, arx Bisci demolita est (anno 1848), urbs illa facta est sedes commercii industriaeque.
Tempore Belli Magni Patrii cum evacuatione in Biscum nonnullarum sedium industrialium ex Europaea parte Unionis Sovieticae industria urbis illius incrementum magnum habuit, et imprimis pro defensione nationis favebat operi.
Biscum hodie
Nunc Biscum sedes industriae et commercii manet. Portum, stationem ferriviariam, et aeroportum habet. Urbs etiam est sedes scientiae culturaeque: urbi sunt filia Biscensis Šukšiniana Universitatis Publicae Paedagogicae Altaicae, institutum technologicum (filia Universitatis Publicae Technicae Altaicae Polzunovianae), scholae multae, bibliothecae nonnullae, theatra, et museum regionale Bianchianum. Anno 2005 Biscum factum est naukograd(ru), i.e. 'scientiae urbs', Foederationis Russicae.
Notae
- ↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 442., de nomine priore Бикатунский острог, Castellum Bicatunium.
- ↑ 2.0 2.1 I.G. Gmelin & S.G. Gmelin, Flora Sibirica sive Historia plantarum Sibiriae (Petropoli, 1757), p. 114
Nexus externi
![]() |
Vicimedia Communia plura habent quae ad Biscum spectant. |
![]() |
Situs geographici et historici: Locus: 52°31′0″N 85°10′0″E • GeoNames • Facebook Places • Store norske Lexikon • Большая российская энциклопедия |