Hyllus
Appearance
Hyllus in mythologia Graeca est filius Herculis et Deianirae. In Thessalia a Ceyce Trachiniorum rege eruditur, dum pater labores suos perficit. Postquam Deianira patrem quaesitum eum mittit, Hyllus Herculem in monte Oeta morientem invenit, Nessi tunica combustum. Tum rogo construendo adest, atque ultimas voluntates patris accipit: cuius iussu Iolen uxorem ducit, e qua Cleodaeum gignit.
Postea Eurystheum necat, qui Hercule mortuo, matrem eius Alcmenen et liberos vexare non cessat. Mox dux Heracleidarum fit, qui Peloponnesum armis recuperare conantur, sed a Tegeaeorum rege victus interficitur.
Hyllus persona est in tragoediis de morte Herculis: Trachiniis Sophocleis et Hercule Oetaeo Senecano.
Fontes
- Apollodori Bibliotheca II,7,7 et 8,1-2.
- Euripides, Heraclidae 639sqq
- Herodotus IX,26.
- Pausanias, Graeciae descriptio I.41.2
- Seneca, Hercules Oetaeus.
- Sophocles, Trachiniae.