Vaccarinus
Appearance
(Redirectum de Mont d'Or)
![](http://178.128.105.246/cars-http-upload.wikimedia.org/wikipedia/commons/thumb/4/44/Vacherin_du_haut_Doubs.jpg/220px-Vacherin_du_haut_Doubs.jpg)
Vaccarinus (Italiane vaccarino; Francogallice vacherin) est grex varietatum casei bubuli in Francia, Helvetia et olim Sabaudia confectarum. Casei huius generis hodie sub nominibus protectis Mont d'Or et Vacherin Fribourgeois venundati sunt.
Mont d'Or
[recensere | fontem recensere]Caseus Mont d'Or (interdum videmus Vacherin du Haut-Doubs; in Helvetia Vacherin Mont-d'Or) tam in Francia quam in Helvetia provenit. Hic caseus admodum recens, in bractea ligni abietis maturatus, in capsa lignea venundatus, saepe ante cenam calefactus et fere liquidus cum cochleare sumitur.
- Caseus sub nominibus Mont d'Or et Vacherin du Haut-Doubs in civitatibus Europaeis venundatus debet in regione delimitata Franciae et in modis definitis fieri. Qui casei ab anno 1981 appellationem in Francia verificatam habebant; ab anno 2009 appellationem in Europa protectam portabunt.
- Caseus sub nomine Vacherin Mont-d'Or in regione delimitata Helvetiae et in modis definitis fit. Qui casei ab anno 1981 appellationem in Helvetia verificatam habent.
Vacherin Fribourgeois
[recensere | fontem recensere]Vacherin Fribourgeois in Helvetia venundatus debet in regione delimitata et in modis definitis fieri; qui caseus ab anno 2006 appellationem originis verificatam habet.
Nexus externi
[recensere | fontem recensere]- Mont d'Or et Vacherin Mont-d'Or
- De appellationibus lacticiniis Francicis (Francogallice)
- De appellationibus lacticiniis (Francogallice)
- Pagina officialis Vacherin Mont-d'Or (Francogallice, Theodisce, Italiane, Anglice)
- De caseis Helveticis (Francogallice)
- Vacherin Fribourgeois