Simone Veil
![](http://178.128.105.246/cars-http-upload.wikimedia.org/wikipedia/commons/thumb/5/56/Simone_Veil%2C_gymnase_Japy_2008_02_27_n5.jpg/250px-Simone_Veil%2C_gymnase_Japy_2008_02_27_n5.jpg)
Simone Veil (1927–2017) era una politika i advokata franseza de orijin djudio. Nasio enel anyo kon el nombre Simone Annie Jacob.
Era salvada de la Shoa, espesifikanente del kampo de Auschwitz-Birkenau. Prinsipio la su kariera en la politika franseza kon reushita; en 1974, era Ministra de Sanedad en 1975, izo pasar por el Parlamento la ley ke se yama kon el su nombre i ke izo el aborto libbero de enviar a prizion. De 1979 fin 1982, era la primera mujer prezidente del Parlamento Evropeo. En los anyos 1978-2007, era Ministra de Asuntos Sosyales i de Sanedad. Enel anyo 2009, aresivio la mas grande medalya militar franseza i la medalya de la Legion d’Honneur.
En la anyada de 2010, asigun una istatistika, era eskojida komo la mujer preferada de los fransezes. En este anyo, por la prima vez en la istorya franseza, era una mujer akseptada i onorada en la Akademia Franseza.
En el su kamino politiko, suporto a Nicolas Sarkozy komo Prezidente i endemas se okupava de la integrasion i la emigrasion; lucho kon reushita por meter en la Konstitusyon, una ley en kontro de la distenksion de la diversidad etnika.
Ovras
[trocar | trocar el manadero]- Une vie. Ed. Stock, 2007. ISBN 978-2234058170