Veurblaad

Anger Wikimedia projekte in 't Limburgs: Wikipedia, Wiktionair, Wikiquote, Wikibrónne, Wikibeuk

Wikinuujs: Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

• 1 julie 2024 - Moder en kindj nao krankegestich bie boetsing Hors
• 2 junie 2024 - Wildjverken aafgesjaoten in stadspark Mestreech

Hanjelinge

• bewirk
• Juli 2024

betrach - bewirk - zeuk plaetjes

12 augustus

• Nederlands Limburg, Economie: Tösje Berg aan de Maas en Bor weurt begós aan 'n groete óngerhaudsoperatie in 't Julianakenaal. Hieveur zal ónger mie 't kenaal euver veer kilomaeter waere droeggelag.^[1]

11 augustus

• Sjport: De Olympische Sjpele in Paries loupe aaf. Veur Nederlandj, wat mit 15 gouwe, 7 zilvere en 12 brónze medajes op de zèsde plaats kump, zien dit de succesvolste Sjpele oets; ouch 't Belsj deit 't mit 'n 25e plaats (3 goud, 1 zilver, 6 bróns) baovegemiddeld good.

10 augustus

• Economie: De Amerikaanse tech-óngernumster Susan Wojcicki sjtörf op 56-jäörige laeftied aan de lóngkanker.^[2]

9 augustus

• Zuud-Amerika: e vleegmesjien sjtort denaer kortbie Vinhedo, get ten noordweste van São Paulo in Brazilië. Alle 61 inzittende kómme daobie óm 't laeve.^[3]
• Oes-Europa: Oekraïense troepe valle Róssische troepe aan op 't Kinboern-sjiereilandj, wat saer 't begin van de invasie in 2022 bezat waert.^[4]

7 augustus

• Duutsjlandj: in Kröv, inne Duutsje deilsjtaat Rienland-Palts, sjtort e hotel in. Daobie valle twie doeje en zeve gewönje.^[5]

6 augustus

• Politiek, Zuud-Azië: in Bangladesh waert eine daag nao 't aaftraeje van premier Sheikh Hasina en 'n periode van gewelddadige demonstraties 't parlement óntbónje. Bankier en nobelprieswinnaer Muhammad Yunus geit 'n interim-regering leije.^[6]
• Oes-Europa: Oekraïense troepe valle de Róssische regio Koersk aan mit gróndtroepe en gepantserde veurtuger. Ze numme versjillende dörpkes in en bezette ouch 't sjtedje Soedzja.^[7]

4 augustus

• Sjport: Feyenoord pak de Johan Cruijffsjaol door mit 4-4 en 4-2 in penanties te winne van PSV.^[8]

3 augustus

• Natuur & milieu, Belsj Limburg: in Belsj Limburg waere 29.000 boumkwakkers geteld. De populatie haet zich saer de millenniumwisseling hersjteld door de aanlèk en 't hersjtel van gesjikde laefgebede. 't Bieske waert daomit nimmie mit oetsjterve bedreig.^[9]
• Oes-Afrika: bie versjillende aansjlaeg op e hotel inne Somalische huidsjtad Mogadishu valle zikker 37 doeje en versjillende gewónje. De aansjlaeg waere opgeëis door Al-Shabaab.^[10]

1 augustus

• Europa algemein, Noord-Amerika: oppe lóchhave van Ankara vingk de groetste gevangeneruul plaats saer 't einde van de Kaje Krieg. Róslandj en Wit-Róslandj laote zèsteen gevangene vrie, dewiel de VS, Duutsjlandj, Pole, Sjlovenië en Noorwege ach gevangene en twie minderjäörige vrielaote.^[11]

31 juli

• Midde-Oeste: bie 'ne Israelische lóchaanval inne Iranese huidsjtad Teheran kump Ismail Haniyeh, de hoegste leijer van Hamas, óm 't laeve.^[12]

30 juli

• Midde-Oeste: bie 'ne Israelische lóchaanval inne Libanese huidsjtad Beiroet kump Fuad Shukr, 'ne hoeggeplaatsde Hezbollahcommandant, óm 't laeve. Hae waert verantwoordelik gehaje veur de raketaanval op kinger in Majdal Sjams, oppe Golanhuuegde.^[13]

29 juli

• Vereinig Keuninkriek: inne Ingelse sjtad Southport, get ten noorde van Liverpool, zint drie kinjer euverleje bie e sjtaekincident. Ach anger kinjer zint gewóndj geraak. De 17-jäörige verdachte is opgepak.^[14]
• Politiek, Zuud-Amerika: bie verkezinge in Venezuela geuf 't óndutelikheid euver de oetsjlaag. Zoewaal zittend prizzedent Nicolás Maduro es oppositiekandidaat Edmundo González claime de euverwinning. De autocratische Maduro waert aevel door de keescommsissie oetgeroepe tot winnaar mit 51 procent van de sjtömme. 't Geuf sjterke twiefels euver de geldigheid van de oetsjlaag.^[15]

27 juli

• Midde-Oeste: bie 'ne raketaanval op 't Druzische dörp Majdal Sjams op de door Israel gecontroleerde Golanhuuegde valle 12 doeje. Israel helt Hezbollah verantwoordelik veur de aanval.^[16]
• Kóns en cultuur, Zuud-Europa: De Via Appia waert door UNESCO op de welterfgoodlies gezat.^[17]
• Kóns en cultuur: D'n Duutsje componis Wolfgang Rihm sjtörf op 72-jäörige laeftied.

26 juli

• Frankriek: in aanloup nao de Olympische Sjpeule in Paries is 't sjpoor op veer plekke in Frankriek doelwit van 'ne gecoördineerde sabotagepoging. Vöäl treine valle oet. De verdachte kump oet e extreemlinks milieu.^[18]
• Noord- en Midde-Amerika: De Amerikaanse pelissie in El Paso, Texas pak twie leijers van 't beröchte Sinaloa-drugskartel op. 't Geit óm Ismael "El Mayo" Zambada en de zoon van ziene veurganger Joaquín Guzmán, baeter bekindj es El Chapo. Ze waere verdach van groetsjalige drugssjmókkel nao de VS^[19]

24 juli

• Sjport: In Paries beginne de Olympische Sjpele.

21 juli

• Sjport, Frankriek: De Sjloveen Tadej Pogačar wintj de Tour de France.^[20]
• Politiek, Vereinigde Sjtaote: Joe Biden trèk zich trök es kandidaat veur de prizzedentsverkezinge.^[21]

20 juli

• Midde-Oeste: Israel veurt 'ne lóchaanval oet oppe have vanne Jemenitische sjtad Hodeida, wat in henj van de Houthi's is. Daobie valle drie doeje en 90 gewónje. 't Geit óm 'n wraakactie op de drone-aanval op Tel Aviv.^[22]

19 juli

• Midde-Oeste: de houthi's claime 'ne drone-aanval Tel Aviv in Israel, woebie eine man óm 't laeve kump en teen luuj gewóndj rake. 't Is de ierste succesvolle aanval van de Jemenitische terreurgroop op de sjtaat Israel.^[23]

18 juli

• Politiek, Midde-Oeste: 'n Mierderheid van de Knesset, 't parlement van Israel, sjtump taege de vestiging van 'ne Palestiense Sjtaat ten weste van de Jordaan.^[24]

14 juli

• Sjport, Europa algemein: Sjpanje wintj 't Europees kampioensjap hierevoetbal 2024 door in de finaal mit 2-1 taege Ingelandj te sjpele.^[25]

13 juli

• Politiek, Vereinigde Sjtaote: tiedes 'n campagnebiejeinkóms in Pennsylvania raak prizzedentskandidaat Donald Trump gewóndj aan zien rechteroer wie 'ne 20-jäörige man 't vuur op 'm äöpent. De sjötter waert gedoed en in 't publiek kump eine persoen óm 't laeve, twie rake gewóndj.^[26]
• Midde-Oeste: bie 'ne Israelische lóchaanval Gaza-sjtad valle volges 't Gazaans gezóndheidsministerie, wat ónger leijing van Hamas sjteit, 91 doeje en 300 gewónje. Doelwit is Hamas-leijer Mohammed Deif, dae verantwoordelik waert gehaje veur de terroristische aanvalle op Israel van 7 oktober 2023. Óndutelik is of hae bie de lóchaanval óm 't laeve is gekómme of gewóndj is geraak.^[27]

12 juli

• Kóns en cultuur, Nederlandj: jeugbeuksjriefster Tonke Dragt, bekindj van ónger mie de kingerroman De brief voor de koning, sjtörf op 93-jäörige laeftied.^[28]

9 juli

• Europa algemein, Weitesjap: de Ariane 6 waert succesvol gelanceerd. Daomit kump 't Europees ruumdevaartsprogram weer op gank.^[29]

8 juli

• Oes-Europa: bie Róssische raketaanvalle op versjillende Oekraïense sjtaej valle 36 doeje en 140 gewónje. Ónger mie e kingerkrankehoes woort geraak.^[30]

7 juli

• Politiek, Frankriek: 't Links blok Nouveau Front Populaire wintj de twiede rónde van de vervreugde parlementsverkezinge (180 bis 215 zedele). Macrons liberaal alliantie Ensemble kump op de twiede plaats (150 bis 180 zedele) en 't Rassemblement National van Marine Le Pen op de derde (120 bis 150 zedele).^[31]

4 juli

• Politiek, Vereinig Keuninkriek: Bie verkezinge veur 't Liegerhoes book de Arbeierspartie 'n mónstereuverwinning. De regerende Conservatieve Partie behaolt waorsjienelik häör sjlechste rizzeltaat oets.^[32]

3 juli

• Sjport: Mark Cavendish pak zien 35e euverwinning in 'n etap in de Runj van Frankriek. Hae brik daomit 't record van Eddy Merckx.^[33]

2 juli

• Nederlandj: 't kabbinèt-Schoof weurt beëidig.
• Kóns en cultuur: De Nederlandse sjriever en lètterkónjige Wim Hazeu sjtörf op 84-jäörige laeftied aan ALS.^[34]

Hanjelingen en brón

• bewirk - Dit stök van Wikinuujs kump aaf vannen taengenhenger op Wikipedia (link).
• Juli 2024

1. ↑ NOS.nl - Megaproject van start: Julianakanaal drooggelegd voor werkzaamheden
2. ↑ Nu.nl - Voormalige YouTube-topvrouw Susan Wojcicki (56) overleden
3. ↑ NOS - Passagiersvliegtuig met 61 mensen aan boord neergestort bij São Paulo
4. ↑ Rferl.org - Ukraine Raids Russian Forces On Occupied Sliver Of Land In Black Sea
5. ↑ SWR - Letzte Überlebende aus eingestürztem Hotel in Kröv gerettet
6. ↑ NOS - Nobelprijswinnaar Yunus gaat interim-regering Bangladesh leiden
7. ↑ NOS - Rusland roept noodtoestand uit in grensregio Koersk na Oekraïense aanvallen
8. ↑ Nu.nl - Live Johan Cruijffschaal
9. ↑ VRT - Boomkikker niet langer met uitsterven bedreigd: 29.000 exemplaren geteld in Limburg
10. ↑ France24 - More than 30 killed in Somalia beach attack claimed by Al-Shabaab
11. ↑ The Guardian - Russia frees Evan Gershkovich and others in biggest prisoner swap since cold war
12. ↑ NOS - Hamasleider Haniyeh gedood in Iraanse hoofdstad Teheran
13. ↑ Der Spiegel - Hisbollah bestätigt Tod von Kommandant Fuad Shukr
14. ↑ De Limburger - Twee kinderen gedood en negen gewond bij mesaanval door 17-jarige verdachte op Britse kinderclub in Southport
15. ↑ De Limburger - Nicolás Maduro roept zich uit tot winnaar in Venezuela, maar stuit op ongeloof
16. ↑ Times of Israel - 12 killed, mostly children, dozens hurt as Hezbollah rocket hits Majdal Shams soccer field
17. ↑ La Repubblica - La via Appia diventa patrimonio Unesco, è il 60esimo sito italiano
18. ↑ Nu.nl - 'Grote aanval' door brandstichters legt vlak voor Spelen Frans treinverkeer plat
19. ↑ The Conversation - Mexico: leading members of the Sinaloa cartel arrested in huge symbolic win for the US
20. ↑ NOS - Pogacar ook snelste in slottijdrit en wint voor derde keer Tour de France
21. ↑ BBC - Joe Biden withdraws from US presidential election race
22. ↑ Nu.nl - Israël valt haven Jemen aan na aanval op Tel Aviv waarbij dode viel
23. ↑ CNN - Israel investigates security failures around deadly Tel Aviv drone strike
24. ↑ NRC - Israëlisch parlement stemt tegen vestiging Palestijnse staat
25. ↑ NOS - Volksfeest in Spanje losgebarsten na winst EK voetbal, huldiging rond 20.00 uur
26. ↑ Reuters - Trump survives assassination attempt at campaign rally after major security lapse
27. ↑ Reuters - Gaza officials say 90 Palestinians killed as Israel targets Hamas military chief
28. ↑ NOS - Jeugdboekenschrijfster Tonke Dragt (93) overleden
29. ↑ Nu.nl - Nieuwe Europese draagraket Ariane 6 maakt eerste succesvolle vlucht
30. ↑ BBC - Children's hospital hit as Russian strikes kill dozens in Ukraine
31. ↑ NRC - Links blok NFP wint verrassend Franse parlementsverkiezingen
32. ↑ The Guardian - UK general election results in full: Labour wins in landslide
33. ↑ Live-oetzenjing NPO 1
34. ↑ RTV Utrecht - Baarnse schrijver Wim Hazeu overleden