Tubbergen
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/cars-http-upload.wikimedia.org/wikipedia/commons/f/fe/LocatieTubbergen.png)
Tubbergen (Twents: Tubbe, Tubbege, Tubbig of Tubbarng'n) is e dörp en 'n gemeinte in de Nederlandse provincie Euverijssel, in Twente, tege de grens mèt Duitsland (Nedersakse) aon, mèt 'n oppervlak vaan 147,40 km2 (daovaan 0,42 km2 water) en (per 1 april 2016) 21.104 inwoeners. Neve de hoofplaots Tubbergen kint de gemeinte nog de kerne Albergen, Fleringen, Geesteren, Haarle, Harbrinkhoek, Hezingen, Langeveen, Mander, Manderveen, mariaparochie, Reutum en Vasse.
Tubbergen is wel de mies katholieke gemeinte vaan Nederland. 't Aondeil vaan CDA-stummers ligk hei roond de 70% ('t hoegste vaan Nederland) en e groet deil vaan de bevolking kump nog regelmaoteg nao de mès. Ouch is in Tubbergen 't percentaasj aon echsjeiinge 't liegste in gans Nederland.
In Tubbergen steit de neogotische Pancratiuskèrk mèt aajd-gotischen torie. Binne de gemeintegrenze ligk ouch 't natuurrizzervaat Het Springendal. In de jaore zeventeg kaom Tubbergen landelek in 't nuits door 'ne ope gifkojl bij 't dörp Vasse. Dizze gifbelt wach nog ummer op sanering.
Externe link
[bewirk | brón bewèrke]![]() | |
---|---|
Almelo · Borne · Dalfsen · Deventer · Dinkelland · Enschede · Haaksbergen · Hardenberg · Hellendoorn · Hengelo · Hof van Twente · Kampen · Losser · Oldenzaal · Olst-Wijhe · Ommen · Raalte · Rijssen-Holten · Staphorst · Steenwijkerland · Tubbergen · Twenterand · Wierden · Zwartewaterland · Zwolle | |