Vólkanisme
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
![](http://178.128.105.246/cars-http-upload.wikimedia.org/wikipedia/commons/thumb/6/63/Strokkur_geyser_eruption%2C_close-up_view.jpg/220px-Strokkur_geyser_eruption%2C_close-up_view.jpg)
Vólkanisme is e geologisch en geomorfologisch percès wobie gesmóltje matterjaal oet d'n óngergróndj nao baove kump. Eimel aan de oppervlakdje kan dit matterjaal neet lang ziene gesmóltjen toestandj behaoje en begintj 't te stolle, wobie tupische landjsjapsvörm óntstaont.
De aerd van dit gesmóltje matterjaal versjiltj van planeet aan planeet. Op de Aerd kump gesmóltje gesteinte (magma) nao baove. Op ieswelte wie Ganymedes, 'n maon van Jupiter, det veur e wichtig deil oet ies besteit, is de magma dao vleujbaar water. Mit betrèkking tót zónne kaoje welt sprèk me den ouch van cryovólkanisme.
Landjsjapsvörm van vólkanischen oarsprónk zint vólkane, vólkanische vlakdje, vólkaankraters en geisers.