Battalia de Montmirail
La Battalia de Montmirail l'è stada voeuna de quei di guerr napoleonigh, combattuda el vundes de febrar del 1814.
Dopo el success del dì prima a Champaubert, el Napoleon l'ha deciduu de combatt contra i Russ del general Fabian Gottlieb von der Osten-Sacken e i Prussian del general Johann Yorck. I Frances eren in desmilla, i nemis inveci eren 18.000; ma l'imperador el saveva che i sò rinforz sarien rivaa prima che i omen del Yorck fudessen pront a combatt. Oltra tutt, i sò omen faseven part de la guardia veggia.
Napoleon l'ha mandaa ona part di sò omen a controllà el Yorck, menter ch'i alter taccaven e batteven el Osten-Sacken. El maresciall Joseph Mortier l'è rivaa cont i riforz e l'ha miss in rotta anca i Prussian del Yorck.