Vodafone Idea: ജിയോയ്ക്കും, എയർടെല്ലിനും പിന്നാലെ നിരക്ക് വർധനയുമായി വോഡഫോൺ ഐഡിയയും; പുതിയ പ്ലാനുകൾ ഇങ്ങനെ
Authored by ശിവദേവ് സി.വി | The Economic Times Malayalam | Updated: 29 Jun 2024, 5:36 pm Vodafone Idea: രാജ്യത്തെ പ്രമുഖ ടെലികോം സേവനദാതാവായ വോഡഫോൺ ഐഡിയ തങ്ങളുടെ താരിഫ് നിരക്കുകൾ വർധിപ്പിച്ചു. പ്രീ-പെയ്ഡ്-പോസ്റ്റ് പെയ്ഡ് അടിസ്ഥാന പ്ലാനുകളിൽ അടക്കം നിരക്കുകൾ വർധിപ്പിച്ചിട്ടുണ്ട്
Vodafone Idea: ജിയോയ്ക്കും, എയർടെല്ലിനും പിന്നാലെ നിരക്കുകൾ വർധിപ്പിച്ച് വോഡഫോൺ ഐഡിയയും (Vi). എല്ലാ പ്രീ-പെയ്ഡ്, പോസ്റ്റ് പെയ്ഡ് പ്ലാനുകൾക്കും 10-20% എന്ന തോതിലാണ് വർധന. കഴിഞ്ഞ ദിവസങ്ങളിൽ ഭാരതി എയർടെല്ലും, റിലയൻസ് ജിയോയും തങ്ങളുടെ പ്രീ പെയ്ഡ്-പോസ്റ്റ് പെയ്ഡ് താരിഫ് നിരക്കുകളിൽ വർധന വരുത്തിയിരുന്നു. പുതിയ നിരക്കുകൾ ജൂലൈ 4 മുതൽ നിലവിൽ വരും.
പുതിയ നിരക്കുകൾ
വോഡഫോൺ ഐഡിയ, എൻട്രി ലെവൽ പ്ലാനായ 28 ദിവസത്തെ സേവനങ്ങൾക്ക് ഏകദേശം 11% തുകയാണ് വർധിപ്പിച്ചിരിക്കുന്നത്. നേരത്തെ 179 രൂപയ്ക്ക് ലഭ്യമായിരുന്ന പ്ലാൻ 199 രൂപയിലേക്കാണ് ഉയർത്തിയത്. കൂടാതെ കമ്പനിയുടെ ജനകീയമായ 84 ദിവസത്തെ, പ്രതിദിന 1.5GB പ്ലാനിന്റെ നിരക്ക് 719 രൂപയിൽ നിന്ന് 859 രൂപയിലേക്ക് ഉയർത്തിയിട്ടുണ്ട്.
കൂടാതെ വാർഷിക അൺലിമിറ്റഡ് പ്ലാനുകളിൽ ഏകദേശം 21% വർധനയാണ് വരുത്തിയിരിക്കുന്നത്. ഇതുവരെ 2,899 രൂപയ്ക്ക് ലഭിച്ചിരുന്ന പ്ലാൻ 3,499 രൂപയിലേക്കാണ് ഉയർത്തിയിരിക്കുന്നത്. അതേ സമയം 24GB ഡാറ്റ പരിധിയുള്ള 365 ദിവസത്തെ വാലിഡിറ്റി നൽകുന്ന 1,799 രൂപയുടെ പ്ലാനിന്റെ നിരക്കുകളിൽ മാറ്റമൊന്നും വരുത്തിയിട്ടില്ല.
ഉപയോക്താക്കൾക്ക് ലളിതവും, സമഗ്രമവുമായ പ്ലാനുകളാണ് കമ്പനി ഓഫർ ചെയ്യുന്നതെന്ന് വോഡഫോൺ ഐഡിയ അറിയിച്ചു. നിരവധി ഫീച്ചറുകളിലുള്ള പ്ലാനുകൾ, ഉപയോക്താക്കളുടെ വൈവിദ്ധ്യമാർന്ന ആവശ്യങ്ങൾ നിറവേറ്റാൻ ഉപകരിക്കും. പുതിയ ഉപയോക്താക്കൾ, വർധിക്കുന്ന ഉപയോഗം എന്നിവ കണക്കിലെടുത്താണ് എൻട്രി ലെവൽ പ്ലാനുകളിൽ നിരക്കു വർധന വരുത്തിയിരിക്കുന്നത്. അടുത്ത ഏതാനും പാദങ്ങളിലേക്കായി വലിയ നിക്ഷേപങ്ങളാണ് കമ്പനി നടത്തിയിരിക്കുന്നത്. ഇതിലൂടെ 4G അനുഭവവും, 5G സേവനങ്ങളും മെച്ചപ്പെടുത്താനാണ് ശ്രമിക്കുന്നതെന്നും കമ്പനി അറിയിച്ചു.
കഴിഞ്ഞ ദിവസങ്ങളിൽ ഭാരതി എയർടെൽ തങ്ങളുടെ പ്രീപെയ്ഡ്-പോസ്റ്റ് പെയ്ഡ് നിരക്കുകൾ 10-21% വരെയും, റിലയൻസ് ജിയോ ഇത്തരം നിരക്കുകൾ 12-27% വരെയും വർധിപ്പിച്ചിരുന്നു. പത്താമത്തെ സ്പെക്ട്രം ലേലം നടന്നു കഴിഞ്ഞാലുടൻ, അടുത്ത ജൂലൈ 4 മുതൽ ടെലികോം കമ്പനികളുടെ പുതിയ നിരക്കുകൾ നിലവിൽ വരും.
വോഡഫോൺ ഐഡിയയുടെ പുതിയ നിരക്കുകളാണ് താഴെ നൽകിയിരിക്കുന്നത്.
പ്രത്യേക നിക്ഷേപങ്ങളൊന്നും നടത്താതെ ആദായ നികുതി ലാഭിക്കാനുള്ള 6 മാർഗങ്ങൾ
ഓഹരിവിപണി,
Share Market എന്നിവയുമായി ബന്ധപ്പെട്ട ഏറ്റവും പുതിയ, ബ്രേക്കിങ് വാർത്തകൾ അറിയാൻ
Business News വെബ്സൈറ്റായ ഇക്കണോമിക് ടൈംസ് മലയാളം വായിക്കുക
ശിവദേവ് സി.വി നെ കുറിച്ച്
ശിവദേവ് സി.വി Digital Content Producerമാതൃഭൂമി ദിനപ്പത്രത്തിൽ ഒരു വർഷത്തോളം റിപ്പോർട്ടർ/സബ് എഡിറ്ററായി ജോലി ചെയ്തു. ജേണലിസം മേഖലയിൽ 9 വർഷത്തെ അധ്യാപന പരിചയം. സാമ്പത്തിക ശാസ്ത്രത്തിൽ ബിരുദവും, കമ്മ്യൂണിക്കേഷൻ ആൻഡ് ജേണലിസത്തിൽ ബിരുദാനന്തര ബിരുദവും കാലിക്കറ്റ് സർവ്വകലാശാലയ്ക്ക് കീഴിൽ നേടി. 2022 ജൂൺ മുതൽ ടൈംസ് ഗ്രൂപ്പിനൊപ്പം ഡിജിറ്റല് കണ്ടന്റ് പ്രൊഡ്യൂസറായി ജോലി ചെയ്യുന്നു.Read More