വാരണാസിയിലെ തറി ഉടമകളെയും, നെയ്ത്തുകാരെയും നേരിട്ടു കണ്ട നിത അംബാനി, അവരില്‍ 50- 60 ഓളം ബുട്ടി സാരികള്‍ വാങ്ങിയെന്നാണു റിപ്പോര്‍ട്ട്. ഏറെ പ്രശസ്തമായ ലക്കാ ബുട്ടി, ഹസാര ബുട്ടി ബനാറസി സാരികളാന് നിത വാങ്ങിയത്. ഇത്തരം ഒരു പുബുട്ടി സാരി നിര്‍മ്മിക്കാന്‍ 20- 25 ഓളം ആളുകളും, 50- 60 ദിവസവും എടുക്കുമെന്നാണു റിപ്പോര്‍ട്ടുകള്‍ വ്യക്തമാക്കുന്നത്. മികച്ച കരകൗശലവിദ്യയുടെ ഉത്തമ ഉദാഹരണമാണ് ബുട്ടി സാരികള്‍.
സ്വര്‍ണവും, വെള്ളിയും ചേര്‍ത്താണ് ഇത്തരം സാരികള്‍ നെയ്യുന്നത്. അതിനാല്‍ തന്നെ വിലയും ഉയര്‍ന്നാതാണ്. സാരിയുടെ 58- 60% v വെള്ളിയും, ഏകദേശം 1.5% സ്വര്‍ണവും ആയിരിക്കും. 1.5- 2 ലക്ഷം രൂപ മുതല്‍ 5- 6 ലക്ഷം രൂപ വരെയാണ് സ്വര്‍ണ, വെള്ളി നൂലുകളുള്ള ഈ സാരികളുടെ വില. ഏകദേശം ഇത്തരം 60 സാരികള്‍ നിത വാങ്ങി.
ബനാറസ് അതിന്റെ ഹസാര ബൂട്ടി, ലക്ക ബുട്ടി സാരികള്‍ക്ക് പേരുകേട്ടതാണ്. ഹൈന്ദവ ആചാരപ്രകാരം പ്രത്യേക തയ്യാറെടുപ്പുകളോടെയാണ് ഈ സാരികള്‍ നെയ്യുന്നത്. ഈ സാരി നിര്‍മ്മിക്കാന്‍ 60 മുതല്‍ 62 ദിവസം വരെ എടുക്കും എന്നാതാണ് മറ്റൊരു കാരം. കുറഞ്ഞത് 20- 25 പേരുടെ പ്രയത്‌നമാണ് ഓരോ സാരിയും. ഏകദേശം 35,000 ത്തോളം വെള്ളി ബുട്ടികളുള്ള ഹസാര ബുട്ടി എന്ന സാരിയാണ് നിത അംബാനി തെരഞ്ഞെടുത്ത പ്രത്യേകം പറയേണ്ട ഒന്ന്. ഇതു തീര്‍ക്കാന്‍ 40- 45 ദിവസമെടുക്കും.
ഓരോ സാരിയുടെ നിര്‍മ്മാണവും ആരംഭിക്കുന്നത് കൃത്യമായ ആസൂത്രണ ഘട്ടത്തിലാണ്. ആദ്യം സാരി ഡ്രാഫ്റ്റ് സൃഷ്ടിക്കുന്നു. തുടര്‍ന്ന് ഡിസൈന്‍ ഒരു ലേഔട്ടിലേക്ക് വിവര്‍ത്തനം ചെയ്യുകയും, നെയ്ത്ത് പ്രക്രിയ നിയന്ത്രിക്കാന്‍ ഒരു രൂപരേഖ തയ്യാറാക്കുകയും ചെയ്യുന്നു. തുടര്‍ന്ന് ഡിസൈന്‍ പിന്തുടര്‍ന്നു നൂലുകള്‍ തയ്യാറാക്കുകയെന്നത് ശ്രമകരമായ ദൗത്യമാണ്. ശേഷം ഈ നൂലുകള്‍ നെയ്ത്തുകാരന്റെ അടുത്തേക്ക് പോകുന്നു. അവിടെ ത്രെഡുകളെ മനോഹരമായ തുണികളാക്കി മാറ്റുന്ന മാന്ത്രികത സംഭവിക്കുന്നു.
മുംബൈയില്‍ നടക്കുന്ന അനന്ദ് അംബാനിയുടെയും, രാധിക അംബാനിയുടെയും വിവാഹത്തിന് ദേശീയ അന്തര്‍ദേശീയ താരങ്ങള്‍ പങ്കെടുക്കുമെന്നാണു വിവരം. ഈ ചടങ്ങ് ബനാറസി സാരികള്‍ക്ക് ഒരു എക്‌സ്‌പോഷര്‍ സൃഷ്ടിക്കുമെന്നു കരുതപ്പെടുന്നു. ഇതു ബനാറസി സാരി വ്യവസായത്തിന് ഉത്തേജനം നല്‍കുമെന്ന് പ്രതീക്ഷിക്കുന്നു.
What is TDS: ആർക്കെല്ലാം TDS ഫയൽ ചെയ്യാം
