Anana
![](http://178.128.105.246/cars-http-upload.wikimedia.org/wikipedia/commons/thumb/b/b9/%ED%95%AD%EC%95%94%EB%B0%B0%EC%B6%94.jpg/220px-%ED%95%AD%EC%95%94%EB%B0%B0%EC%B6%94.jpg)
Ny anana na legioma ravina dia zavamaniry fihinan-dravina, matetika hanina manta, atao salady, ampiarahina amin' ny zava-manitra hafa hanatsarana ny tsirony sy ny fofony.
Ambany ny kalôria sy ny matavy ao amin' ny anana, nefa be prôteinina isaky ny kalôria izy, be tsiraka sakafo, be vy sy kalsiôma, ary be otrikaina C, karôtenôida, loteinina, asidra fôlika ary koa otrikaina K. Ny epinara, ohatra amin' ny anana, dia ambany kalôria sy tavy isaky ny kalôria, ary be tsiraka sakafo, otrikaina C, otrikaina A karôtenôida, manganezy ary otrikaina K.
Ny anana dia misy karazan-javamaniry maro, saingy satria fôtôsintetika izy ireo dia misongadina manokana ny haavon' ny otrikaina K. Ny otrikaina K ao amin' ny anana no be indrindra. Noho izany dia tsy maintsy mitandrina manokana mba hamerana ny fihinanana anana ny mpampiasa ny fanafody misy otrikaina K.
Efa ho arivo ny karazan-jamaniry fihinan-dravina fantatra. Matetika ny anana dia avy amin' ny zava-maniry tsy maharitra ela, toy ny salady sy ny lalanda (na epinara). Ny zavamaniry toy ny hazo sasany koa dia manome ravina azo hanina. Ny ravin' ny vilona maro koa dia azon' ny olombelona hanina ihany, saingy matetika amin' ny mosary no ihinanana azy. Ohatra amin' izany ny jirofo, ny varimbazaha sy ny vary ôrza.
Ny fanomanana azy, toy ny fanamainana sy ny fikosohana na fitotoana azy hanjary vovoka, na ny fanerena azy hahazoana ny ranony, dia azo ampiasaina mba hahatonga ireo ravina ireo ho azo atao sakafo.