Ваут Фас
Ваут Фас | |||
---|---|---|---|
Лични податоци | |||
Полно име | Ваут Феликс Лина Фас[1] | ||
Роден на | 3 април 1998 | ||
Роден во | Мол, Белгија | ||
Држава |
![]() | ||
Висина | м[2] | 1,87||
Позиција | одбрана | ||
Клупски податоци | |||
Сегашен клуб |
![]() | ||
Број | 3 | ||
Младинска кариера | |||
![]() | |||
![]() | |||
Кариера* | |||
Години | Клуб | Наст. | (Гол.) |
2016-2018 |
![]() | 0 | (0) |
2017 |
→![]() | 7 | (0) |
2017-2018 |
→![]() | 19 | (0) |
2018-2020 |
![]() | 63 | (1) |
2020-2022 |
![]() | 73 | (5) |
2022- |
![]() | 66 | (3) |
Репрезентација ‡ | |||
2013 |
![]() | 4 | (1) |
2013-2015 |
![]() | 27 | (0) |
2016-2017 |
![]() | 9 | (1) |
2017-2020 |
![]() | 21 | (0) |
2022- |
![]() | 13 | (0) |
*Настапи и голови само на првенствени натпревари, според податок од 15 февруари 2012 ‡ Настапи и голови за репрезентација, според податок од 15 февруари 2012 |
Ваут Феликс Лина Фас (роден на 3 април 1998 во Мол) — белгиски фудбалер, играч од одбраната на Лестер Сити и на белгиската репрезентацијата.[3]
Технички карактеристики
[уреди | уреди извор]Централен дефанзивец, способен да игра и како бек или дефанизвен играч од средниот ред. Меѓу неговите најголеми квалитети се одземањето на топката и солидната брзина која ја поседува и покрај неговата висина и физичките предиспозиции; тој многу потсетува на бразилскиот фудбалер, поранешен играч на Челси, Париз Сен-Жермен и Арсенал, Давид Луис.[4]
Клупска кариера
[уреди | уреди извор]Откако израснал во младинските сектори на Лирс и Андерлехт, од вториот на 31 јануари 2017 година, бил позајмен на Херенфен до крајот на сезоната 2016-2017.[5] Откако заемот во клубот од Фризија му завршил, на 12 јули тој се преселил, повторно на привремена основа, во Екселсиор.[6]
На 21 јуни 2018, тој се преселил во Остенде, со кого потпишал тригодишен договор.[7] Под водството на неговиот поранешен тренер од младата белгиска репрезентација под 19 години, Герт Верхејен,[8] кој исто така инсистирал на неговото доаѓање во клубот,[9] Фас бил редовен стартер во центарот на одбраната во текот на целата сезона забележувајќи 40 настапи и 2 гола. На 24 август 2018, го постигнал својот прв гол во кариерата во победата со 3-1 на домашен терен над Зулте Варегем.
На 31 јануари 2020 година, тој бил купен од францускиот клуб Ремс, со кого се врзал до 2024 година, но останал на позајмица во Остенде до крајот на сезоната.[10] Откако официјално му се приклучил на Ремс на почетокот на сезоната 2020–2021, Фас го направил своето деби во Лига 1 на 23 август 2020 година, во ремито 2–2 на гостувањето кај Монако, во кое го одиграл целиот натпревар.[11] На 1 ноември, тој го постигнал својот прв гол за клубот во победата на домашен терен со 2–1 над Стразбур, со моќен удар со глава од корнер изведен од Валон Бериша.[12]
Откако во дресот на Ремс одиграл две сезони во кои забележал 77 настапи и 5 гола, на 1 септември 2022 година, Фас се преселил во англиската Премиер лига каде потпишал со Лестер Сити во трансфер вреден 15 милиони евра.[13] Седумнаесет дена подоцна, тој го направил своето деби во Премиер лигата во поразот со 6-2 од Тотенхем.[14]
И покрај негативниот резултат остварен на неговото деби, тој бил пофален за неговото влијание врз одбраната на клубот и во следните седум натпревари од првенството, од натпреварот против Тотенхем до оној против Манчестер Сити на 9 ноември, помогнал клубот да забележи пет суви мрежи.[15] На 30 декември 2022 година, тој имал негативен настап во поразот на лисиците од Ливерпул со 2-1, постигнувајќи два автогола со што станал четвртиот играч на кој му се случило тоа во историјата на Премиер лигата.[16] На 28 мај 2023, Фас го постигнал својот прв гол за Лестер во победата над Вест Хем Јунајтед со 2–1 во последното коло, која сепак се покажала како пирова за лисиците бидејќи тие и покрај успехот испаднале во Чемпионшип затоа што нивниот главен конкурент во борбата за опстанок, Евертон, исто така победил.[17]
Репрезентативна кариера
[уреди | уреди извор]Фас ја претставувал својата земја во различни младински нивоа како: под 15, под 17, под 19 и под 21 година. За последната играл на Европското првенство 2019, каде забележал два настапи во елиминацијата на Белгија во групната фаза.
Своето деби за сениорската репрезентација го направил на 8 јуни 2022, влегувајќи како замена во 84-тата минута во убедливата победа со 6-1 над Полска во УЕФА Лигата на нации. Кон крајот на истата година, Фас заедно со соиграчите од Лестер Сити, Тимоти Кастањ и Јури Тилеманс, бил повикан во составот на Белгија за Светското првенство 2022.
Хронологија на репрезентативните настапи
[уреди | уреди извор]Хронологија на настапи и постигнати голови за националната селекција ― Белгија | ||||||||
---|---|---|---|---|---|---|---|---|
Дата | Град | Домашни | Резултат | Гости | Натпреварување | Голови | Инфо | Детали |
8-6-2022 | Брисел | Белгија ![]() |
6 – 1 | ![]() |
УЕФА Лига на нации 2022-2023 - Прва фаза | - | ![]() |
|
24-3-2023 | Солна | Шведска ![]() |
0 – 3 | ![]() |
Квал. за СП 2024 | - | ||
28-3-2023 | Келн | Германија ![]() |
2 – 3 | ![]() |
Пријателска | - | ||
17-6-2023 | Брисел | Белгија ![]() |
1 – 1 | ![]() |
Квал. за Евро 2024 | - | ||
20-6-2023 | Талин | Естонија ![]() |
0 – 3 | ![]() |
Квал. за Евро 2024 | - | ||
9-9-2023 | Баку | Азербејџан ![]() |
0 – 1 | ![]() |
Квал. за Евро 2024 | - | ||
12-9-2023 | Брисел | Белгија ![]() |
5 – 0 | ![]() |
Квал. за Евро 2024 | - | ||
13-10-2023 | Виена | Австрија ![]() |
2 – 3 | ![]() |
Квал. за Евро 2024 | - | ||
16-10-2023 | Брисел | Белгија ![]() |
1 – 1 | ![]() |
Квал. за Евро 2024 | - | ||
15-11-2023 | Левен | Белгија ![]() |
1 – 0 | ![]() |
Пријателска | - | ![]() |
|
19-11-2023 | Брисел | Белгија ![]() |
5 – 0 | ![]() |
Квал. за Евро 2024 | - | ||
23-3-2024 | Даблин | Ирска ![]() |
0 – 0 | ![]() |
Пријателска | - | ||
26-3-2024 | Лондон | Англија ![]() |
2 – 2 | ![]() |
Пријателска | - | ![]() |
|
Вкупно | Настапи | 13 | Голови | 0 |
Статистика
[уреди | уреди извор]Клупска статистика
[уреди | уреди извор]Статистиката е ажурирана на 21 април 2024.
Сезона | Клуб | Првенство | Национален куп | Континентален куп | Останати купови | Вкупно | |||||||||
---|---|---|---|---|---|---|---|---|---|---|---|---|---|---|---|
Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
2016-јан. 2017 | ![]() |
ПЛ | 0 | 0 | КБ | 0 | 0 | ЛШ+ЛЕ | 0 | 0 | - | - | - | 0 | 0 |
јан.-јун. 2017 | ![]() |
Е | 7+1[18] | 0 | КХ | - | - | - | - | - | - | - | - | 8 | 0 |
2017-2018 | ![]() |
Е | 19 | 0 | КХ | 1 | 0 | - | - | - | - | - | - | 20 | 0 |
2018-2019 | ![]() |
ПЛ | 35 | 1 | КБ | 5 | 1 | - | - | - | - | - | - | 40 | 1 |
2019-2020 | ПЛ | 28 | 0 | КБ | 2 | 0 | - | - | - | - | - | - | 30 | 0 | |
Вкупно Остенде | 63 | 1 | 7 | 1 | - | - | - | - | 70 | 2 | |||||
2020-2021 | ![]() |
Л1 | 33 | 1 | КФ | 0 | 0 | ЛЕ | 2[19] | 0 | - | - | - | 35 | 1 |
2021-2022 | Л1 | 37 | 4 | КФ | 2 | 0 | - | - | - | - | - | - | 39 | 4 | |
јул.-авг. 2022 | Л1 | 3 | 0 | КФ | - | - | - | - | - | - | - | - | 3 | 0 | |
Вкупно Ремс | 73 | 5 | 2 | 0 | 2 | 0 | - | - | 77 | 5 | |||||
2022-2023 | ![]() |
ПЛ | 31 | 1 | ФАКуп+ЛК | 2+3 | 0+0 | - | - | - | - | - | - | 36 | 1 |
2023-2024 | ФЛЧ | 35 | 2 | ФАКуп+ЛК | 1+2 | 0+0 | - | - | - | - | - | - | 38 | 2 | |
Вкупно Лестер Сити | 66 | 3 | 8 | 0 | - | - | - | - | 74 | 3 | |||||
Вкупно во кариерата | 208 | 8 | 17 | 1 | 2 | 0 | - | - | 227 | 9 |
Наводи
[уреди | уреди извор]- ↑ „FIFA U-17 World Cup Chile 2015: List of Players: Belgium“ (PDF). FIFA. 28 October 2015. стр. 3. Архивирано од изворникот (PDF) на 3 November 2019.
- ↑ „Wout Faes“. Leicester City F.C. Посетено на 1 November 2022.
- ↑ „Belgium - W. Faes - Profile with news, career statistics and history - Soccerway“. us.soccerway.com. Посетено на 10 April 2017.
- ↑ Un talento al giorno, Wout Faes: il leader del Belgio del futuro tuttomercatoweb.com
- ↑ „sc Heerenveen versterkt zich met verdediger Wout Faes“ (холандски). 31 јануари 2017. Посетено на 31 декември 2022.
- ↑ „Wout Faes op huurbasis naar Excelsior“ (холандски). 12 јули 2017. Посетено на 31 декември 2022.
- ↑ „WOUT FAES TREKT NAAR KV OOSTENDE“ (холандски). 21 јуни 2018. Архивирано од изворникот на 2018-08-19. Посетено на 31 декември 2022.
- ↑ „Anderlecht laat Wout Faes vertrekken naar KV Oostende, Doumbia (Essevee) naar Rusland“. De Krant van West-Vlaanderen (холандски). 21 June 2018. Посетено на 31 January 2021.
- ↑ Taecke, Tomas (25 June 2018). „Faes blij met overstap naar KVO: "Nooit een kans gehad bij Anderlecht"“. Het Laatste Nieuws (холандски). Посетено на 31 January 2021.
- ↑ „Wout Faes : un leader défensif belge au SDR!“ (француски). 31 јануари 2020. Посетено на 31 декември 2022.
- ↑ „AS Monaco - Stade Reims 2:2 (Ligue 1 2020/2021, 1. Round)“. worldfootball.net (англиски). Посетено на 28 May 2021.
- ↑ Durand, Joachim (1 November 2020). „Le premier but de Wout Faes avec le Stade de Reims“. Walfoot.be (француски).
- ↑ „Leicester City Sign Wout Faes From Reims“ (англиски). 1 септември 2022. Посетено на 31 декември 2022.
- ↑ „Tottenham 6-2 Leicester City: Premier League – as it happened“ (англиски). 17 септември 2022. Посетено на 31 декември 2022.
- ↑ „'Made for me' - How Leicester City summer signing Wout Faes has made instant impact“ (англиски). 9 ноември 2022. Посетено на 31 декември 2022.
- ↑ „Faes scores two own goals against Liverpool“ (англиски). 30 декември 2022. Посетено на 31 декември 2022.
- ↑ Hafez, Shamoon (28 May 2023). „Leicester relegated despite win over West Ham“. BBC Sport.
- ↑ Плејоф.
- ↑ Во квалификациските рунди.
Надворешни врски
[уреди | уреди извор]
|