Ларва
![](http://178.128.105.246/cars-http-upload.wikimedia.org/wikipedia/commons/thumb/b/bb/Tadpoles_10_days.jpg/220px-Tadpoles_10_days.jpg)
![](http://178.128.105.246/cars-http-upload.wikimedia.org/wikipedia/commons/thumb/f/f3/Chenille_de_Grand_porte_queue_%28macaon%29.jpg/220px-Chenille_de_Grand_porte_queue_%28macaon%29.jpg)
Ларва — степен на развојот на разни животни[1] при преобразба (метаморфоза) од млада во возрасна единка. Овој степен на развој го имаат животните со посреден развој како што се инсектите, водоземците и жаркарите.
По изглед, ларвата е многу различна од возрасниот облик на животното (на пр. гасеница наспроти пеперутка) и често има посебни поргани што не постојат кај возрасната единка и сосема поинаква исхрана.
Во многу случаи ларвите живеат во различни средини од возрасните. Така, полноглавците живеат исклучиво во вода, и ќе созреат стануваат копнено-водни жаби. Со ова, младите добиваат заштита од грабливи животни и не се натпреваруваат со возрасните за истата храна. Некои, како прилепците се неподвижни како возрасни, но подвижни како ларви.
Ларвците на извесни видови (да речеме, дождалците) можат да влезат во пубертет, но да не продолжат со развојот до степен на возрасни единки. Ова претставува тип на неотенија.
Постојат погрешни сфаќања дека ларвата секогаш ја одразува еволутивната историја на животното (заедничкиот предок на групата). Ова е точно за некои животни, но честопати ларвалната фаза има своја споредна еволуција, како што е случај кај инсектите. Во овие случаи, возрасната единка може да се послична на предокот од нејзиниот ларвален облик.
Разни животни имаат разни облици на ларви со разни називи. На пример, ларвата на пеперутката се нарекува гасеница, кај водоземците, тоа е полноглавец итн.
Ларвата како тема во уметноста
[уреди | уреди извор]- „Ларви“ - збирка поеми на бразилскиот писател Мачадо де Асис од 1864 година.[2]
- „Ларва“ - песна на полскиот поет Тадеуш Ружевич од 1961-1963 година.[3]
Поврзано
[уреди | уреди извор]Наводи
[уреди | уреди извор]- ↑ „ларва“ — Дигитален речник на македонскиот јазик
- ↑ Антологија на бразилскиот расказ. Скопје: Три, 2012, стр. 284.
- ↑ Tadeuš Ruževič, Izabrane pesme. Beograd: Treći trg / Čigoja štampa, 2013, стр. 44-46.
Литература
[уреди | уреди извор]- Brusca, R. C., & Brusca, G. J. (2003). Invertebrates (2nd ed.). Sunderland, Mass. : Sinauer Associates.
Надворешни врски
[уреди | уреди извор]![]() |
„Ларва“ на Ризницата ? |