Innozenz I.
![](http://178.128.105.246/cars-http-upload.wikimedia.org/wikipedia/commons/e/e9/Innocentius_I.jpg)
Innozenz I. (* in dat 4. Johrhunnert; † 12. März 417) weer Paapst van' 21. Dezember 401 bit 12. März 417.
Leven un Verehrung
[ännern | Bornkood ännern]He weer vermoodlich de Söhn vun en Innozenz vun Albano (so sien Biograph im Liber Pontificalis) oder de Söhn vun sien Vörgänger Anastasius I. (so en Tietgenosse vun den Hieronymus). Sien Pontifikat stunn ünner den Schadden vun de Neddergang vun dat Weströömsch Riek un vun de Belagerung un Plünnern vun Rom dör de Westgoten ünner Alarich I. in dat Johr 410. In sien Amtstiet full ok de Veroordeelen vun Caelestius un Pelagius.
In sien Breef an de Bischöpen Victricius vun Rouen, Exuperius vun Toulouse, Decentius vun Gubbio un annern wurrd düütlich, dat he de Vörmachtstellung vun Rom in de Gesamtkark utbauen wull. He hett fordert, de abendländische Karkendisziplin nah dat röömsch Vörbild uttorichten un hett den Anspröök up de böverste Lehrentscheeden för all wichtig Fragen, de causa maiores, för den apostolischen Stohl stellt. Weniger Spood harr he in' Oosten (Ingriepen för Johannes Chrysostomos, *344/345, † 407), ofschons he mit de Begrünnen vun dat päpstlich Vikariat vun Thessalonike den Infloot vun Konstantinopel gegentotreden versöcht hett. Sien Naam bedüüd: de Unschuldige (latiensch). He wurrd as bannig aktiv un energisch Mann beschreven.
De Reliquien vun den hilligen Innozenz wurrn nah de vorhergahn Bewilligung vun Paapst Sergius II[1] 846 tosommen mit de vun sien Vörgänger Anastasius dör den Sassenhartog Liudolf nah Gandersheim brocht, wor se bit hüüd in de Krypta vun de ehmalg Stiftskark ruhen. De Gedenkdag is de 28. Juli.[2]
Enkeld Nahwiesen
[ännern | Bornkood ännern]- ↑ http://www.kath.de/kurs/vatikan/deutsche_paepste.php
- ↑ Namenstag heiliger Innozenz I. up heilige.de
Literatur
[ännern | Bornkood ännern]- Cornelia Hoß: Innozenz I. In: Biographisch-Bibliographisches Kirchenlexikon (BBKL). Band 2, Bautz, Hamm 1990, ISBN 3-88309-032-8, Sp. 1280.
Weblenken
[ännern | Bornkood ännern]- Ökumenisches Heiligenlexikon
- Indrag in de Catholic Encyclopedia, Robert Appleton Company, New York 1913 (engelsch)
- Gesamtwark vun Migne Patrologia Latina mit Inholtsverteken
- DNB-Katalog
- Personennaamdatei
Vörgänger | Amt | Nafolger |
Anastasius I. | Paapst 401–417 |
Zosimus |