Hoya
Wapen/Flagg | Koort | |
---|---|---|
| ||
Basisdaten | ||
Flach: | 8,42 km² | |
Inwahners: | 3972 (31. Dezember 2022) | |
Hööchd: | 14 m över de See | |
Postleettall: | 27318 | |
Vörwahl: | 04251 | |
Geograafsche Laag: | Koordinaten:52° 48′ N, 9° 8′ O52° 48′ N, 9° 8′ O | |
Grenzen bi OSM: | 2014322 ![]() | |
Gemeenslötel: | 03 2 56 014 | |
Börgermeester: | Edmund Seidel (CDU) | |
Websteed: | www.hoya-weser.de | |
![]() |
Hoya (plattdüütsch ok De Haaien, Hejen oder Hajen) is een Stadt in Landkreis Nienborg/Werser in Neddersassen. Se hett 3972 Inwahners (Stand 31. Dezember 2022).
Geografie
[ännern | Bornkood ännern]Hoya liggt an de Werser twischen Veern (22 km) un Nienborg (24 km).
![](http://178.128.105.246/cars-http-upload.wikimedia.org/wikipedia/commons/thumb/e/e2/Hoya_Schloss_nachts_beleuchtet_10-2009.jpg/180px-Hoya_Schloss_nachts_beleuchtet_10-2009.jpg)
![](http://178.128.105.246/cars-http-upload.wikimedia.org/wikipedia/commons/thumb/3/3a/Hoya_Zwergenbrunnen_vor_Grundschule_4-2011.jpg/180px-Hoya_Zwergenbrunnen_vor_Grundschule_4-2011.jpg)
Historie
[ännern | Bornkood ännern]In´n 12. Johrhunnert is in een Urkunn watt vun Hoya seggt wurrn. Üm 1200 hebbt sick de Graafen von Hoya breet makt un 1233 een Borg grünnt, dat hüdige Slott. 1368 is Hoya een Flecken wurrn. De leste Graaf (Otto VII.) is 1582 dootgohn un Hoya wer bloß noch Sitt vun een Amt. 1884 bit 1932 weer Hoya Sitt vun´n Kreis Hoya, darnaa hörte Hoya na´n Landkreis Graafschop Hoya to. Dat Stadtrecht hett Hoya 1929 krägen. In de Kreisreform vun 1977 hebbt se den Landkreis Graafschop Hoya uplööst un Hoya gehöört nu to´n Landkreis Nienborg/Werser un is Sitt vun Samtgemeende Graafschop Hoya.
Politik
[ännern | Bornkood ännern]Stadtraat
[ännern | Bornkood ännern]De 15 Sitte vun Stadtrat verdeelt sick so:
(Stand: Kommunalwahl am 10. September 2006) Börgermeester is Edmund Seidel (CDU), Stadtdirekter is Detlef Meyer.
Wappen
[ännern | Bornkood ännern]Dat Wappen wiest een Borgtoorn mit de Beerpoten vun de Graafen vun Hoya.
Wat een sik ankieken schall un wo een hengahn kann
[ännern | Bornkood ännern]- Das Slott Hoya is vun Ursprung her middelöllerlich, watt een hüüd sehn kann is ut´n 19. Johrhunnert. Bit 2010 wer een Amtsgericht in dat Slott.
- De ole Martinskark is vun 14. Johrhunnert. De Toorn is ut de Barocktied. 1967 wer de Kark to lütt un so hebbt se een nee Kark boot, de Martin-Luther-Kark. De ole Kark weer bienah een Ruin wurrn, doch een Stiftung hett de Kark 1995 renoveert. Hüüd is de Kark Kulturzentrum wo se Konzerte makt un Poore stannsamtlich heiraten könt.
- Dat Heimatmuseum wiest de Historie vun de Stadt Hoya, vun de Graafen vun Hoya un wetenswetes över Johann Beckmann. Fakener hett dat Museum ook Sünnerutstellungen. Süss is in Hoya noch een privat Druckereemuseum.
- De Börgerpark wer fröher Karkhoff. In´n 19. Johrhunnert hebbt een Park vun makt un väle exotische un seltene Bööm plant, de dar hüüd noch steiht. In´n Börgerpark sünd ook een poor Denkmools.
- In de Diekstraat is een Gedenkstee vun de fröhere Synagoog, de 1938 in de Riekspogromnacht afbrennt is.
- In de Stadt sünd Fachwerkhüser vun 17., 18. un 19. Johrunnert. Dat öllste is von 1604.
- In de Langestraat is de Dwargenborn, de an een ole Sage erinnert.
- De "Filmhof" is een Kino vun 1929, dat hüüd nee Filme wiest un ook 3D-Technik hett. Dat besünnere is, dat een in Kino schnabulern kann. Dat heet up Hochdüütsch "Verzehrkino".
- Siet 2007 fahrt de Kaffkieker dör Hoya. Dat is een Museumsiesenbohn, de an de Weekenennen twischen Eestrup, Hoya, Brooksen-Vilsen un Syke fahrn deit.
Institutschoon
[ännern | Bornkood ännern]- In Hoya is de Bundsschoole von dat THW (Technisch Hölpswerk), dat se 1959 grünnt hebbt. Jed Johr billt se in 200 Lehrgänge 6000 Hölpers ut.
- An´n Stadtrand vun Hoya is de Landsrietschool, wo jed Johr 50 Lehrgänge statt finnd.
- In Hoya is ook dat Neddersassische Institut för Sportgeschichte.
Weertschop
[ännern | Bornkood ännern]Väle Weerschopsbetriebe hebbt sick in Hoya nederlaten: Papp- und Kartonfabrik Smurfit Kappa, Boostoffhannel Thies & Co., Stohlrohrmöbelfabrik Oelschläger, Pharmagg Systemtechnik, Fohrradgrodhannel Hartje, Karosserieboo Buschmann un väle annere.
Weblenken
[ännern | Bornkood ännern]- Internetsiet vun Museum Hoya (hoochdüütsch)
- Internetsiet vun Filmhof (hoochdüütsch)
- Internetsiet vun THW-Bundsschool Hoya (hoochdüütsch)
- Internetsiet vun Landsrietschool Hoya (hoochdüütsch)
- Sage von de Dwarge vun Hoya (hoochdüütsch)
Balge | Binn’n | Bücken | Deepnau | Drakenborg | Eestrup | Esdrup | Gannsbargen | Hämelhusen | Haßbargen | Hassel | Heemsen | Hilgermissen | Heien | Heierhagen | Husen | Landsebargen | Leese | Levenau | Linsborg | Markloh | Nienborg | Pennigsähle | Rastörpe | Rehborg-Locken | Rohßen | Rowohle | Staarbarg | Steembke | Stöckse | Stoltnaa | Swering | Uchte | Warmsen | Warpe | Wietzen