Corona
![](http://178.128.105.246/cars-http-upload.wikimedia.org/wikipedia/commons/thumb/e/e5/Crowns%2C_Mus%C3%A9e_du_Louvre%2C_April_2011blackened.jpg/220px-Crowns%2C_Mus%C3%A9e_du_Louvre%2C_April_2011blackened.jpg)
Una corona es un objècte ornamentau destinat a cenchar la tèsta de son portaire per simbolizar son poder e sa dignitat. Per metonimia, lo tèrme es sovent utilizat per designar lo sobeiran, sa dinastia ò son govèrn.
La corona existiá ja durant l'Antiquitat. En Grècia, èra un simbòl de victòria decernit ai venceires de concors. Pasmens, de simbòls similars son atestats dins d'autrei regions mediterranèas. Foguèt adaptat per lei Romans coma guierdon reservat ai generaus venceires. Aquò entraïnèt sa difusion a d'autrei pòbles e la corona venguèt pauc a pauc un objècte regalian per lei rèis dei pòbles barbars. Ansin, a partir dei Carolingians, la corona venguèt l'atribut obligatòri dei sobeirans desirós d'afichar son reng e dins lo monde modèrne, la màger part deis ostaus d'origina europèa contunian de dispausar de corona.