Parke Nacional Arikok
Parke Nacional Arikok | ||
---|---|---|
Categoria di IUCN II (Parke Nacional)
| ||
![]() | ||
Geografia | ||
Pais | ![]() | |
Coordinatonan | 12°29′55.68″N 69°55′35.54″W / 12.4988000°N 69.9265389°W | |
Informacion basico | ||
Area | 34 kilometer kuadra | |
Fundacion | 2000 | |
Maneho | Aruba Conservation Foundation | |
![]() | ||
Imagennan riba ![]() | ||
[Edita Wikidata] · [Manual] |
Parke Nacional Arikok ta un zona asigná na proteccion di naturalesa cu ta situa den a parti norteste di Aruba.
Apesar cu e plan nan tabata data di e añanan sesenta di siglo 20 Gobierno di Aruba a ratifica e parke oficialmente te na aña 2000. Despues cu a lanta un fundacion dia 26 di september 2003 a ricibi 7.1 miyon euro di Fondo Europeo pa Desaroyo, cual tabata destina pa e infrastructura di e parke.[1]
E parke tin un grandura di mas cu 3200 hectar y ta cubri 18 % di e superficie di e isla, di cual 34 km² ta area di naturalesa birgen. Meta di Parke Nacional Arikok ta pa conserva, maneha y proteha flora, fauna y cultura Arubano y pa proteha simbolonan cultural dentro di e parke.[2] E parke ta dividi den tres area: dos zona "keto" unda influencia humano ta masha limita y un zona unda mas actividad por tuma lugar.
Parke Nacional Arikok ta cay bou di maneho di Aruba Conservation Foundation (ACF), un fundacion independiente cu tambe ta encarga cu e maneho di Parke Marino Aruba y Spaans Lagoen. Desde 2023 Tyson Lopez ta ocupa e funcion di director general.
Etimologia
[editá | editá fuente]E establecimento di Cunucu Arikok a resulta di e desaroyo di Parke Nacional Arikok. E region aki tabata un tempo un plantashi chikito di propiedad di Arie Kok, cu un cas di torto. Alrededor di e cas tabatin un hofi cu diferente sorto di mata comun na Aruba. E nomber di Parke Arikok a surgi for di e doño di e cas di torto aki, cu awe ta un parti di e Parke Nacional. Ademas, den e teritorio di e Parke, por haya piedra di dolerite cu pintura di Indjan ariba dje. Un di e pinturanan aki ta sirbi como e logo actual di e reserva natural.[3]
Rooi
[editá | editá fuente]Den parke tin un cantidad di rooi. Esakinan ta subdividi segun nan ubicacion den parke:
- banda noord - Rooi Frui, Rooi Cayente, Rooi Fluit, Rooi Ioran, Rooi Spierto, Rooi Mangel of Shantwijn y Rooi Calcoriti;
- banda central - Rooi Tambu, Rooi Prins, Rooi Dwars, Rooi Druif, Rooi Spanjo, Rooi Sanfuego, Rooi Juditi, Rooi Casunti, Rooi Piedra di cacho, Rooi Nayo y Rooi Seco;
- banda pazuid y pabou - Rooi Barbaqua, Rooi Calbas, Rooi Thomas, Rooi Balastro, Rooi Mahawa, Rooi Taki, Rooi Masiduri, Rooi Shidarahaka, Rooi Fontein y Rooi Cuashati.
Mira tambe
[editá | editá fuente]Galeria
[editá | editá fuente]-
Paisahe di vegetacion arido
-
Bista di e paisahe
-
Bahia di Daimari
-
Ruta pa caminata
-
Simbolo indjan riba baranca
-
Cas di torto
Fuente, nota i/òf referensia
|