کن
![](http://178.128.105.246/cars-http-upload.wikimedia.org/wikipedia/commons/thumb/b/b8/Ear.jpg/100px-Ear.jpg)
کن انساناں تے کئی جنوراں دے جسم چ پایا جان والا اک انگ جیہڑا اوازاں دی لہراں نوں محسوس کردااے تے اواز نوں دماغ تک پہنچاندا اے۔ ایس توں علاوہ اے جسم دا توازن رکھن لئی وی کم کردا اے۔ ایہ سنن پربندھ دا اک حصہ اے۔
کن دا باہروں نظر آن آلا حصہ "پنا" اخواندا اے۔ ریڑھ دی ہڈی آلے جنوراں وچ دماغ دے دونواں پاسے اک اک کن ہوندا اے۔ پنا باجوں اواز دی لہراں نوں سوکھے ول نال اک تھاں مرکوز کیتا جا سکدا اے۔
اواز ، توانائی دی اک شکل اے جو دباؤ نال بندی اے تےہوا ،پانی تے دوجے مادے وچوں گزر سکدی اے۔ ڈڈو دی اواز ہوئے، پنچھیاں دے گیت ہوون یا انسانی بولی ہوئے، اواز ای سارا ربط بناندی اے۔ کن دا کم صرف اواز نوں لینا ہوندا اے، اواز نوں محسوس کرن دا اصل کم دماغ دا ہوندا اے۔
![](http://178.128.105.246/cars-http-upload.wikimedia.org/wikipedia/commons/thumb/f/fd/Haeckel_Chiroptera.jpg/100px-Haeckel_Chiroptera.jpg)
بارلا کن
[سودھو]بارلا کن، کن دا او حصہ اے جو کن توں باہر ہوندا اے، ایہدے وچ ، پنا (آریکل)، کن دی نالی، تے کن دا پردہ (ٹمپینک جھلی) شامل نیں۔ انسان تے سارے ریڑھ دی ہڈی آلے جنوراں وچ، کن دا صرف ایہو حصہ باہروں ویکھیا جا سکدا اے۔ بارلا حصہ، پنا، کارٹیلج دا بنیا ہوندا اے۔ کن دا اے حصہ ، سنن لئی بہتا ضروری اے۔ اواز دے سئی لنگن لئی کن دی نالی دا کھلیا ہونا ضروری اے۔ کن دی نالی وچ اک چپکن مادہ "سرومن" بندا اے جو کن دی کھل دے وچ غدود بناندے نیں۔ ایس توں علاوہ کن دی نالی وچ نکے نکے وال وی ہوندے نیں۔
![](http://178.128.105.246/cars-http-upload.wikimedia.org/wikipedia/commons/thumb/8/86/Middle_ear.png/150px-Middle_ear.png)
پنا دی خاص شکل ایہنوں اواز نوں پکڑن لئی مدد کردی اے، وکھرے جنوراں وچ پنے دی وکھری شکلاں ہوندیاں نیں جو ایہناں نو شکار دا پتہ دسن لئی مدد کردیاں نیں۔ جیویں چمگادڑ، چؤا لیمر، آئی-آئی، چمگادڑ کن لومڑ وغیرہ۔
جنوراں وچ بارلے کن دے نال دو ونڈاں دے پٹھے جڑے ہوندے نیں جناں نوں "انٹرینسک" تے "آریکلر" پٹھے آکھیا جاندا اے۔ اے پٹھے کج میمل جنوراں وچ کم کردے نیں تے پنا نوں اواز دی سمت چ حرکت کرن چ مدد کردے نیں۔ انسان وچ اے پٹھے کم کئی کردے۔
وچکارلا کن
[سودھو]وچکارلا کن، بارلے کن توں بعد، کن دے پردے دے بعد آندا اے۔ ایہدے وچ ترے نکی ہڈیاں ہوندیاں نیں؛ میلئیس (ہیمر)، انکس (اینول)، سٹیپس (سٹرپ)۔ نک توں اک نالی وی وچکارلے کن تک آندی اے جنوں "اوسٹیشیئن نالی" اکھی دا اے۔ سٹیپس انسانی جسم دی سب توں نکی ہڈی اے۔ اے ترے ہڈیاں انج جڑیاں ہوندیاں نیں جے کن دے پردے وچ ہون آلی ممولی جئی حرکت اناں وچ وی حرکت پیدا کرے۔ اے حرکت کوکلیا ول ٹوری جاندی اے۔ اناں ترے ہڈیاں دی مدد توں اواز ناجوں کن دے پرد ےوچ ہون آلی حرکت 6 گنا ود جاندی اے۔
![](http://178.128.105.246/cars-http-upload.wikimedia.org/wikipedia/commons/thumb/d/d7/Bony_labyrinth.svg/150px-Bony_labyrinth.svg.png)
انسان تے دوجے زمینی جنوراں وچ وچکارلا کن ہوا نال بھریا ہوندا اے ،پر ایس ہوا دا باہر دی ہوا نال رابطہ نئی ہوندا۔ وچکارلا کن ،دماغ چ پائی جان آللی ہوا دی اک نالی اے جنوں نک توں ہوا لبدی اے۔
جہاز چڑھن ویلے یا پانی چ ڈونگی تیراکی کرن ویلے اوسٹیشیئن نالی وچ ہوا دا دباؤ کم ہو جاندا اے تے خلا بن جاندا اے۔ ایس وجہ توں اینج لگدا اے جیویں کن بند ہو گئے ہون۔ نگلن نال تے پازٹو دباؤ نال اے نالی فیر کھل جاندی اے تے ایہدے وچ ہوا دا دباؤ ٹھیک ہو جاندا اے۔
اندرآلا کن
[سودھو]![](http://178.128.105.246/cars-http-upload.wikimedia.org/wikipedia/commons/thumb/7/7c/HumanEar.jpg/200px-HumanEar.jpg)
اندرآلے کن وچ کوکلیا تے لیبرینتھ ہوندے نیں۔ توازن رکھن آلے حصے "ویزٹیبیول" تے "ادھی گول نالیاں" وی ہوندے نیں۔ اواز دی لہراں پنا توں ہوندیاں، کن دے پردے نال ٹکراندیاں نین، اوتھے حرکت پیدا پوندی اے جو وچکارلے کن وچ سٹیپس وچ حرکت پیدا کردی اے، اوتھوں اے حرکت کوکلیا وچ موجود مائع نوں ہلاندی اے جو اگے اواز محسوس کرن آلے حسی ولگناں نوں سنیہ کلدے نیں۔ اے سنیہ دماغ وچ جاندا اے ،تے دماغ انوں پرکھ کے اواز بارے جانکاری دیندا اے۔
بارلے جوڑ
[سودھو]![]() |
وکیمیڈیا کامنز چ مورتاں: کن |
باہرلے انگ : - سر · متھا · مُکھ · اکھ · نک · بُلھ · ٹھوڈی · کن · ہتھ · انگلاں · انگوٹھا · چیچی · نوںہہ · لت · بانہہ · جباڑھا · بال · پیر · گوڈا · گوڈے دی چپݨی · گٹا · چھاتی · کھل · موڈھا · دھوݨ · گھنڈی · سینا · پِنّی · ڈھڈ · دُھنّی · لَک · ڈھو · پسلی · پَٹ
اندرلے انگ : - کلیجا · دل · نکی آندر · گردے · معدہ · پھپھڑے · آنڈاتھیلی · پینکریاز · دماغ · ہڈی · وڈی آندر · پِتّا · لہو
مونہہ دے اندرلے انگ : - مونہہ · جیبھ · دند · حݪق · حݪق دا کاں