Arazziu Russo
![](http://178.128.105.246/cars-http-upload.wikimedia.org/wikipedia/commons/thumb/b/bd/Orazio_Russo.jpg/250px-Orazio_Russo.jpg)
Araziu Russo (Mustariancu, 6 di uttùviru 1973) è nu ex jucaturi di palluni sicilianu. È un attaccanti destru, ma joca macari a mancina.
Quannu era nicu, jucava cu Battiati. Lu sò primu mister fu Enzu Fazio, ca lu fici jucari nta Prima Catigurìa. Ntô 1991 jìu ô Catania: câ squatra di Angelo Massimino jucau nta Serie C1 pi dù anni. Nedo Sonetti, mister dû Lecci, l'accattau ntô 1993 e Arazziu isurdìu nta Serie A. Dù anni appressu s'attruvò ancora nta Serie C1, pirchì lu Lecci scinnìu pi dù voti cunzicutivi.
Ntô 1995 turnau a Catania, ma ci stesi n'annu sulu. Dopu jìu a Spal e ô Savoia. Ntô 1999 Nino Pulvirenti l'accattau pi l'Acireale, unni jucau 5 staggiuna cu 30 gol. Quannu Pulvirenti lassau lu Acireale p'accattàrisi lu Catania, Russo jìu cu iddu e jucau dù anni n Serie B, cu la prumuzzioni nta Serie A. Appressu jocau cu Padova, cu Perugia e cu Gela.