ڳُݙّی
![](http://178.128.105.246/cars-http-upload.wikimedia.org/wikipedia/commons/thumb/2/28/Yokaichi01.jpg/220px-Yokaichi01.jpg)
ڳُݙّی ہِک دھاڳے دی مدد نال اُݙّݨ آلا پکّھی ہِے۔[١] اِین٘دی اُݙاری کِیتے ضروری قوّت اِین٘دے پَکّھاں دے اُتّے اَتے تَلّے دے پاسوں وَا دے دباؤ اُتّے منحصر ہِے۔ ڳُݙّی دے اُتلے پاسُوں گَھٹ دباؤ اَتے تَلویں پاسُوں وَدھ دباؤ دی وجہ نال ڳُݙّی اُݙدی ہِے۔
ڳُݙّی اکثر وَا تُوں ٻار آلے ہون٘دیاں ہِن، اِنّھاں کُوں اُݙّݨ کِیتے وَا دے جھولیاں دی لوڑ پون٘دی ہِے۔ ڳُݙّی اکثر کھیݙاں دے زمرے وِچ آن٘دی ہِے۔ جاں جو اِنّھاں دا استعمال کئی مِداناں وِچ تِھین٘دا ہِے۔
تاریخ
2800 ورھیاں پہلاں چین وِچ ڳُݙّی اُݙاوݨ دی تاریخ مِلدی ہِے۔
اشیاء
![](http://178.128.105.246/cars-http-upload.wikimedia.org/wikipedia/commons/thumb/8/8d/Octopus.kite.jpg/220px-Octopus.kite.jpg)
ڳُݙّی پَنّے یا کپڑے نال بݨائی وین٘دی ہِے۔ بمبو دی ہولی چوٻ استعمال کِیتی وین٘دی ہِے۔ نائلان یا صوتی دھاڳا استعمال تِھین٘دا ہِے۔ اِین٘دا ڈیزائن ہر ونکی دا ہون٘دا ہِے۔ ڳُݙّی دی دُمب ٻہوں چنڳے اندازاں وِچ بݨائی وین٘دی ہِے۔
اِنسانی اُݙاری
انسان نے وݙّے ڳُݙّیاں / ڳُݙّے استعمال کر تے اُݙاری بھرݨ دی کوشِت کِیتی۔ اِنّھاں وݙّے ڳُݙّیاں کُوں "ہینگ گلائڈر" وی آہْدے ہِن۔ ٥٥٩ء وِچ یوان ہوانگٹو نے ڳُݙّی دے آسرے اُݙاری بھری۔
فوج وِچ استعمال
فوج وِچ اپݨے اسلحے کُوں ہِک جاء تُوں ٻئی جاء پُچاوݨ کِیتے ڳُݙّیاں دا استعمال کرݨ دی تاریخ وی مِلدی ہِے۔ خاص طور تے میدانِ جنگ وِچ اسلحے کُوں پُچاوݨ اَتے میدانِ جنگ دی پَرکھ اَتے خلائی تصویر کشی کِیتے وی ڳُݙّیاں دا استعمال تِھین٘دا ہِے۔
ایشیاء
![](http://178.128.105.246/cars-http-upload.wikimedia.org/wikipedia/commons/thumb/d/db/Malaysiakite.jpg/180px-Malaysiakite.jpg)
ایشیائی دیساں وِچ ڳُݙّی اُݙاوݨ ہِک عام شُغل ہِے۔ ڳُݙّی بازی وی مشہور ہِے۔ افغانستان وِچ ڳُݙّی بازی ہِک مہان٘درا کھیݙ ہِے۔ داری وِچ اِیکُوں "ڳُݙّی پارن بازی" آہ٘دے ہِن۔
پاکستان وِچ اِیکُوں "ڳُݙّی بازی" یا "پتنگ بازی" آہ٘دے ہِن۔ اَتے ڳُݙّی بازی پُھلّاں دے موسم دا مہان٘درا شُغل ہِے جیکُوں "جشنِ بہاراں" آہْدے ہِن۔
![](http://178.128.105.246/cars-http-upload.wikimedia.org/wikipedia/commons/thumb/e/e9/Kite_shop_in_Lucknow.jpg/220px-Kite_shop_in_Lucknow.jpg)
بھارت وِچ وی ڳُݙّی مہان٘درا کھیݙ ہِے۔ مکارا سنکرانتی دا مہان٘درا تہوار ہِے۔ بھارت دی ٻہوں ساری ریاستاں وِچ ڳُݙّی بازی مقبول ہِے۔