Ajasofja
![](http://178.128.105.246/cars-http-upload.wikimedia.org/wikipedia/commons/thumb/4/4a/Aya_sofya.jpg/200px-Aya_sofya.jpg)
![](http://178.128.105.246/cars-http-upload.wikimedia.org/wikipedia/commons/thumb/a/ac/Hagia-Sofia-Int-01s.jpg/200px-Hagia-Sofia-Int-01s.jpg)
![](http://178.128.105.246/cars-http-upload.wikimedia.org/wikipedia/commons/thumb/4/45/Hagia-Sophia-Laengsschnitt.jpg/200px-Hagia-Sophia-Laengsschnitt.jpg)
Agia Sofia (gr. Ἁγία Σοφία; Dituria e Shenjtë, tr. Ajasofja) apo bazilika e Shën Sofisë ishte më parë kishë, më vonë me pushtimin e Konstantinopojës nga osmanët kthyer në xhami dhe sot muzeum i qytetit turk të Stambollit. Agia Sofia u ndërtua në qindvjeçarin e 6-të dhe ishte kisha kryesore e Perandorisë Bizantine dhe qendra fetare e Ortodoksisë.
Agia Sofia është vepra e fundit ndërtimore me rëndësi e lashtësisë së vonë dhe poashtu shembulli i parë i një arkitekture bizantine, në të cilën shfaqen kupolat që skalitën më vonë elementet e ndërtimit kishëtar. Mendohet si një nga ndërtesat më të bukura në botë. Ajo ishte katedralja më e madhe e ndërtuar ndonjëherë në botë për mëse një mijë vjet, gjer në mbarimin e Katedrales së Seviljes në vitin 1575, në kohën e Rilindjes Evropiane.