Namazi i Bajramit
![](http://178.128.105.246/cars-http-upload.wikimedia.org/wikipedia/commons/thumb/2/21/Eid_Prayers_at_Barashalghar%2C_Debidwar%2C_Comilla.jpg/220px-Eid_Prayers_at_Barashalghar%2C_Debidwar%2C_Comilla.jpg)
Namazi i Bajramit (Arabisht: صلاة العيد) është namaz për të përkujtuar dy festat islame. Dy festat islame janë:
- Fitër Bajrami, që festohet në ditën e parë të muajit Sheval, muaji i 10-të sipas kalendarit Islam (pas Ramazanit).
- Kurban Bajrami, që festohet në ditën e 10-të të muajit Dhul-hixhe, muaji i 12-të sipas kalendarit Islam.
Nazami i Bajrami falet me dy rekate. Omeri thotë: “Namazi i Fitër Bajramit falet me dy rekate dhe Kurban Barjami falet me dy rekate, të kompletuar dhe jo të shkurtuar...”.[1] Pas namazit, imami i'u adresohet njerëzve.
Koha
[Redakto | Redakto nëpërmjet kodit]Koha e namazit të Bajramit fillon kur dielli arrin përafërsisht dy metra mbi horizont derisa të arrijë meridianin e tij përpara Drekës.
Falja e Namazit
[Redakto | Redakto nëpërmjet kodit]Namazi i bajramit ka dy rekate. Falja e namazit të bajramit bëhet kështu:[2]
- Bëhet nijeti: “Për hir të Allahut, bëra nijet të fal namazin e Bajramit të Ramazanit, u lidha pas imamit.” Nëse do të falet namazi i Bajramit të Kurbanit, thuhet: “Për hir të Allahut, bëra nijet të fal namazin e Bajramit të Kurbanit, u lidha pas imamit”.
- Namazi fillohet me tekbir. Pasi këndohet subhaneke, bëhet tri herë tekbir duke ngritur duart lart; pas dy tekbireve të para duart lëshohen të lira poshtë, ndërsa pas tekbirit të tretë duart lidhen si zakonisht, nën kërthizë.
- Pasi këndon pa zë Eudhubismilahin, imami këndon me zë të lartë Fatihanë dhe një sure të shkurtër, ndërsa besimtarët e dëgjojnë në heshtje. Pastaj bëhet rukuja dhe sexhdet dhe ngrihet në këmbë për në rekatin e dytë.
- Imami këndon pa zë Bismilahin, pastaj me zë të lartë Fatihanë dhe një sure të shkurtër, ndërsa besimtarët dëgjojnë në heshtje; pastaj ngrihen duart dhe merret tri herë tekbir. Kur merren këta tekbire duart nuk lidhen, por lëshohen të lira poshtë.
- Pastaj merret tekbiri i katërt pa ngritur duart e shkohet në ruku, bëhen sexhdet e rrihet ndenjur. Lexohen me radhë Etehijatu, Allahume sali, Allahume barik, Rabbena dhe jepet selam. Pas namazit imami ngjitet në minber dhe mban hutben. Dhe në fund bëhen lutje.
Tekbiret e Teshrikut
[Redakto | Redakto nëpërmjet kodit]Duke filluar nga namazi i Sabahut të ditës së Arafatit, që është një ditë përpara Bajramit të Kurbanit dhe deri në namazin e ikindisë së ditës së katërt të Bajarmit, gjatë namazeve farz të pesë kohëve, pra për 23 vakte namazesh, menjëherë pas dhënies së selamit, është vaxhib të thuhet një herë:[2]
Allahu Ekber, Allahu Ekber, la i lahe il’lallahu uallahu ekber, Allahu Ekber ue li’l lahi’l hamd.
Ky tekbir është vaxhib për ata që falen vetëm, për ata që falen me xhemat, për udhëtarët, për vendasit, për meshkujt dhe për femrat.
Referime
[Redakto | Redakto nëpërmjet kodit]- ^ "Description of Eid prayer". Islam Question and Answer.
{{cite web}}
: Mungon ose është bosh parametri|language=
(Ndihmë!) - ^ a b "Llojet e Namazeve: Namazi i Bajramit". Drita Islame. 9 dhjetor 2020. https://dritaislame.al/llojet-e-namazeve/. Retrieved 15 qershor 2024.