Trang-trang koléntrang
![](http://178.128.105.246/cars-http-upload.wikimedia.org/wikipedia/commons/thumb/8/83/Trang2_kolentrang.jpg/250px-Trang2_kolentrang.jpg)
Trang-trang koléntrang nyaéta kawih kaulinan anu dikawihkeun ku barudak sangkan hujan raat, ngarawihna babarengan henteu sosoranganan.[1] dina ngawihkeunana dipingpin ku hiji budak nu pangkolotna, tuluy diturutan ku budak séjénna.[1] Biasana ngarawihna bari dariuk, atawa keur ngarumpul di tepas jeung téras imah sabari siduru di hawu atawa sabari ngariung jeung kulawargana, atawa jeung babaturanana teu kaci lamun ieu kawih dikawihkeunna ku sorangan, cenah mah hujanna ogé moal raat lamun dikawihkeunna ku sorangan mah jadi kudu ku lobaan babarengan, sakapeung mah sok dilombakeun ieu kakawihan téh pikeun sababaraha golongan nu tangtunu reueus kana kabudayaan sunda.[1] Barudak bihari mah kana kakawihan téh éstuning tarapti pisan, mun rék nanaon ogé sakapeung mah sok bari ngawih boh keur leumpang, keur cicing komo keur ngalamun mah malah sok nyiptakeun sisindiran sorangan dina lamunanana.[1] Ieu di handap aya kawih kaulinan budak mun keur nungguan hujan sangkan raat kieu rakitanana:
Kawih lianna :
Trang-trang koléntrang
Si londok paéh nundutan
Tikusruk kana durukan
Mesat gobang kabuyutan
Nyéh prot nyéh prot
Nya nyéréh nya kempot.[1][2]
![]() |
Artikel ngeunaan Sunda ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
Referensi
[édit | édit sumber]- ↑ a b c d e f Hidayat, Rachmat Taufiq, spk.2005.Peperenian Urang Sunda.Bandung:Kiblat
- ↑ Kawih kaulinan barudak Archived 2015-11-22 di Wayback Machine(diakses tanggal 03 Mei 2011)