అయితే లిస్టింగ్ ముందు అన్ లిస్టెడ్ మార్కెట్లో షేర్లు రూ. 179 ప్రీమియంతో ట్రేడ్ అయ్యాయి. ఈ లెక్కన రూ. 518 వద్ద స్టాక్ మార్కెట్లో లిస్ట్ కావాల్సి ఉంది. ఇంతకంటే కొంచెం తక్కువ ధర రూ. 499 వద్ద అరంగేట్రం చేశాయి. ఐపీఓ ద్వారా వచ్చే ఆదాయాన్ని కొత్త స్టోర్ ప్రారంభించడం కోసం ఉపయోగించనున్నట్లు కంపెనీ తెలిపింది. ప్రస్తుతమున్న స్టోర్లను పునరుద్ధరించడంతో పాటు ఇతర కార్పొరేట్ అవసరాల కోసం నిధులను వెచ్చించనున్నట్లు తెలిపింది.
సూపర్ ప్రీమియం మరియూ లగ్జరీ ఫర్నిచర్ బ్రాండ్ గా స్టాన్లీ లైఫ్ స్టయిల్స్ కు భారత్ లో మంచి గుర్తింపు ఉంది. తయారీ కేంద్రంతో పాటు రిటైల్ కార్యకాలపాలు కూడా నిర్వహిస్తోంది. రానున్న రోజుల్లో వ్యాపారాన్ని మరింత విస్తరించాలని ప్రణాళికలు సిద్దం చేసుకుంది. ఆర్థకంగా బలంగా ఉండటం, వ్యూహాత్మక భాగస్యామ్యాలతో రాబోయే రోజుల్లో ఈ కంపెనీ మంచి వృద్ది నమోదు చేసే అవకాశం ఉందని విశ్లేషకులు అంచనా వేస్తున్నారు. లాంగ్ టర్మ్ ఇన్వెస్టర్లు మంచి ఫలితాలు పొందే అవకాశం ఉందని పేర్కొన్నారు.
సోఫాలు, కుర్చీలు, కిచెన్ కేబినెట్స్, బెడ్స్, పరుపులు, దిండ్లు సహా ఇతర హోమ్ సొల్యూషన్స్ ను స్టాన్లీ లైఫ్ స్టయిల్స్ అందిస్తుంది. లగ్జరీ ప్రొడక్టుగా మార్కెట్లో గుర్తింపు పొందింది. భారత్ లో లగ్జరీ ఫర్నీచర్ విభాగంలో ఈ కంపెనీ లీడింగ్ లో ఉన్నట్లు అనలిస్టులు చెబుతున్నారు. లగ్జరీ రియల్ ఎస్టేట్ ఇండస్ట్రీ ప్రభావం దీనిపై పరోక్షంగా ఉంటుందని పేర్కొన్నారు. కొత్తగా ఇల్లు కొనుగోలు చేసే వారు లగ్జరీ ఫర్నిచర్ కూడా కొనగోలు చేస్తారని, ఫలితంగా రాబోయే రోజుల్లో మంచి వృద్ధి నమోదు చేయవచ్చని తెలిపారు.
2023 ఆర్థిక సంవత్సరంలో కార్యకలాపాల ద్వారా కంపెనీ రెవెన్యూ రూ. 69.51 కోట్లుగా నమోదైంది. అంతకుముందు సంవత���సరం ఇది రూ. 67.44 కోట్లుగానే ఉంది. పన్ను తర్వాత లాభం నాలుగు రెట్లు పెరిగి రూ. 4.12 కోట్ల నుంచి రూ. 15.80 కోట్లకు చేరింది.