San Wenceslao I, Duke ng Bohemya
![](http://178.128.105.246/cars-http-upload.wikimedia.org/wikipedia/commons/thumb/e/eb/Olomouc%2C_Zd%C3%ADk%C5%AFv_pal%C3%A1c%2C_svat%C3%BD_V%C3%A1clav.jpg/200px-Olomouc%2C_Zd%C3%ADk%C5%AFv_pal%C3%A1c%2C_svat%C3%BD_V%C3%A1clav.jpg)
Si Wenceslaus, Wenceslas, o Wenceslao (Tseko: Václav [ˈvaːtslaf]; Aleman: Wenzel), na may titulong Wenceslaus I, Duke ng Bohemya (ipinanganak noong ca. 907 - namatay noong Setyembre 28, 935 o 929) ay ang duke (kníže) ng Bohemya magmula 921 hanggang siya ay paslangin noong 935, na kagagawan ng kaniyang kapatid na lalaking si Boleslav.[1] Kapwa sila mga anak ni Vratislav I, na duke (kniáz) ng Bohemya.
Bilang anak ni Vratislav I, Duke ng Bohemya, nagkaroon ng popular na pagdedebosyon kay Wenceslao pagkaraan ng kaniyang pagkamartir, at bunga rin ng reputayon niya bilang isang haring ubod ng bait. Ito ang sanhi ng pagdeklara sa kaniya bilang hari matapos siyang patayin, at ng kaniyang pagkaluklok sa kasantuhan at tinaguriang patron ng estadong Tseko.
Ginugunita siya ng Simbahang Romano Katoliko at ng Simbahang Ortodokso bilang San Wenceslao tuwing ika-28 ng Setyembre, at siya ang paksa ng himig pamaskong Good King Wenceslas ("Mabuting Haring Wenceslao" o "Mabait na Haring Wenceslao") na inaawit kapag piyesta ni San Esteban (nakikilala bilang Saint Stephen sa Ingles) tuwing ika-26 ng Disyembre.
Mga sanggunian
- ↑ Firth, Lesley, et al (mga patnugot). "Who was King Wenceslas?", Myths, Legends, and Heroes, WHO WHERE THEY?, Little Simon, Simon & Schuster, Inc., 1985, pahina 60.
Ang lathalaing ito na tungkol sa Tao at Czechoslovakia ay isang usbong. Makatutulong ka sa Wikipedia sa pagpapalawig nito.