Пуассон Симеон Дени

Пуассон Симеон Дени (1781.21.6, Питиве — 1840.25.4, Париж) — франсуз математиги, физиги. Париж Фанлар академияси аъзоси (1812), Петербург Фанлар академияси фахрий аъзоси (1826). Илмий ишлари назарий ва осмон механикасига, мат. ҳамда математик физикага оид. У биринчи марта аналитик механика тенгламаларини импулснинг ташкил этувчилари тар-зида ёзган. П. математик физиканинг кўплаб масалаларини ечган, эҳтимоллар назариясида Бернулли схемасини умумлаштириб, катта сонлар қонунини исботлаган, кам рўй берадиган ҳодисалар тақсимот қонуни (Пуассон тақсимоти )ни топган. Қуёш системасининг турғунлигини текширишга бағишланган ишлари муҳим. Сфероид ва бир жинсли эллипсоидлар тортишишини ўрганиб, ўз номи билан аталувчи тенгламани чикарган (қаранг Пуассон тенгламаси). П.нинг баллистика, эластиклик назарияси, гидромеханика ва бошқа соҳалардаги ишлари ҳам катта амалий аҳамиятга эга.

• Клейн Ф., Лексии о развитии математики в ХИХ столетии, пер. с нем., ч. 1, М. -Л., 1937.^[1]

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола чаладир. Сиз уни бойитиб, Википедияга ёрдам беришингиз мумкин. к м т Бу андозани аниқроғига алмаштириш керак.