Fruto
Łe vàrie parte del fruto | |
![]() | |
Parte del fruto inte na drupa cofà el pèrsego. | |
Struca insima de łe parte del fruto par védar łe voze de łe vàrie sesion. |
![](http://178.128.105.246/cars-http-upload.wikimedia.org/wikipedia/commons/thumb/d/dc/Limes_kiwis_berry_berries.jpg/260px-Limes_kiwis_berry_berries.jpg)
El fruto in botànega el ze el prodoto de ła mudasion de l'ovàrio dopo de ła fecondasion. El signìfegà biolòzego del fruto el ze de dar protesion, nutrimento e mezo de difuzion a ła samesa che el ga drento.
Inte el łenguajo comun e in cuzina, normalmente, par fruta se intende racuanti tipi de fruti botàneghi, par ezénpio:
- łe drupe: bronbe, sareze, màndołe, pèrseghi;
- l'esperìdio dei agrumi: sedro, ponpelmo, pomeło;
- racuante bache o i so mudamenti, cofà l'ua grespina, łe còrnołe, łe zìzołe, i jàzene;
- i piridioni: łe codogne, łe sórbołe, łe nèspołe comuni, el nashi.
Le piante partenocàrpeghe łe zènera fruti apireni, o sia sensa samese (ez. vàrie varietà de ua, naransa, fighi). Se el fioro no el vien inpołinà, se destaca da ła pianta inte ła zona de absision. El cresimento de l'ovàrio el ze stemołà da l'auxina che ła bloca el proceso de absision del fioro.
Clasìfegasion dei fruti
[canbia | canbia el còdaxe]- Drio ła definision "clàsega", el vero fruto el deriva da ła ùgnoła trasformasion de l'ovàrio del fioro che el se modìfega profondamente.
Se invese i fruti no i derivase solché dal desviłupo de l'ovàrio ma a ła so formasion ghe partesipase anca altre parte del fioro, se parla pì coretamente de falsi fruti.
- Drio ła proposta de Winkler invese el fruto no el corisponde nesesariamente a ła trasformasion de l'ùgnoło ovàrio, ma a cheła de l'intiero zineseo.
La distinsion clàsega, che ła ga oncora grando vałore par l'identìfegasion de łe piante, ła ga perdesto inportansa in fiłozèneze. I fruti agregai i ze par tanto considerai un ùgnoło fruto dal momento che i deriva dal zineseo de un ùgnoło fioro. Altro caràtare che el ciapa inportansa el ze ła pozision de l'ovàrio (sùpara o ìnfara) dal cuało el fruto el ze derivà. I ovari sùperi i ghe da orìzene a fruti lìbari, i zinesei ìnfari i orizenarà fruti a copa.
Ponesto che se pensa che l'ovàrio el derivi da ła mudasion de na foja (dita carpeło) che ła se ze sarada-sù su eła stesa saldàndose al màrzene, inte el fruto, che da eło el deriva, se ghe indivìdua vàrie parte reconduzìbiłi a chełe de ła foja:
- l'ezocarpo che el deriva da l'epidèrmede superior;
- el mezocarpo che el deriva dal parenchima o mezofiło;
- l'endocarpo che el deriva da l'epidèrmede inferior;
L'union dei tre strati ła costituise el perecarpo o fruto e ogni strato el połe ver difarente consistensa.
A parte ła divizion za citada in: veri fruti e falsi fruti altre sudivizion łe ze:
- fruti sénpleghi: formai solché da l'ovàrio del ùgnoło fioro (monocarpełare o pluremocarpełare sincàrpego).
- fruti agregai: i deriva da l'evołusion de pì pistiłi ponesti inte el isteso risetàcoło (ovari pluregocarpełari apocàrpeghi) che i resta unii anca inte el fruto.
- infrutesense: i deriva da evołusion de infioresense o sia i sìngułi fruti i deriva da pistiłi de fiori diversi che i formava na infioresensa pì o manco conpato.
I fruti sénpleghi i se divide in do grupi:
- fruti sechi inte i cuałi, a maturità tuti i strati i ga scarsi parenchimi e un contegnuo de àcua bastansa baso; el pericarpo el połe par tanto èsare duro, papiràseo o legnozo.
- fruti carnozi inte i cuałi ła consistensa dei vari strati ła ze carnoza in cuanto pieni de parenchimi che i tratien na persentuałe de àcua altamente consistente, par ezénpio el pomo.
Tipi de fruti sechi
[canbia | canbia el còdaxe]Dipendendo dal modo de libarasion de łe samese se ghe sudivide ła fruta seca in fruti sechi deisenti e fruti sechi indeisenti.
Fruti sechi deisenti
[canbia | canbia el còdaxe]I fruti sechi deisenti a maturità i lìbara łe samese verzéndose spontaneamente co vari modi, i prezenta de łe zone de deisensa sensa fibra, co sèłułe fine sełulòzeghe; intrà sti fruti se ghe połe catar:
- fułìcuło: el deriva da un ovàrio monocarpełare, plurispèrmio, el se verze drio ła lìnea de sutura del carpeło (ez: ełeboraro, Acuiłeja
- legumo, tega, bazana' o scrózoło': el deriva da l'ovàrio monocarpełare plurispèrmio, el se verze in 2 valve su 2 lìnee oponeste (sutura e dorso). El ze tìpego de ła fameja de łe Legumenoze.
- lomento: el deriva da ovàrio monocarpełare plurispèrmio, el ze sudividesto inte na sèrie de loje monosperme sarae che łe połe èsar anca inpienie de polpa par sircondar ła samesa, se verze trasversalmente. Da racuanti el vien considarà na mudasionn del legume.
- siłìcua e siłicueta: łe deriva da un ovàrio bicarpełare sincàrpego co nùmaro variàbiłe de samese. Łe se verze in 2 valve drio ła lìnea de sutura de łe foje carpełari, a madurità łe se fende ma no łe se separa conpletamente. Le do valve łe ze divideste da seto persistente menbranà dito replo sul cuało łe ze poneste łe samese. El fruto el se ciama siłicueta co ła ze isodiamètrega, siłìcua co invese el diàmetro lonzitudenałe ła sùpera cheło trasversałe. Sta sorte ła carateriza łe Cruzìfare;
- càpsuła: łe deriva da un ovàrio pluricarpełare sincàrpego połispermo; el prezenta vari tipi de deisensa:
- càpsuła setisida o setifraga (ez. Digitalis, tabaco, china,, Colchicum) łe se verze drio ła linea de sutura dei carpełi;
- càpsuła locułisida (ez. Lilium, tułipan, castagnaro/maronaro d'India) łe se verze drio ła nervatura dorsałe dei carpełi;
- piside (ez. Anagallis arvensis, Hyoscyamus niger) łe se verze par via del destaco de un nùmaro de denti pì o manco ełevà so un opèrgoło sircołare;
- càpsuła porisida (ez. Papaver) łe se verze par via de na serie de pori apegałi.
-
Fołìcuło de Hełeborus nijer
-
Tega, Bazana o Scrózoło
-
Siłicueta de Lunaria annua
-
Càpsuła de Papaver
-
Capsułe verzeste de Oleandro łe mostra łe samese piumade
-
Na noza
Fruti sechi indeisenti
[canbia | canbia el còdaxe]I fruti sechi indeisenti i ga na parete totalmente sclerifegada, a madurità no i lìbara łe samese e i sèvita a èsar protezesti dal pericarpo. Esenpi:
- achènio: deriva da un ovàrio monocarpełare o bicarpełare. El pericarpo el ze sotiło, menbranà, pergamenàseo o curamozo, aderente ma no saldà a l'episperma. Ła samesa ła ze par tanto lasamente aderente a ła parete del fruto, par tanto no del tuto lìbaro. L'achènio el połe èsar ìzołà, o sia reunio a formare diacheni, tetracheni, pluriacheni. (ez. Fagaceae, Betulaceae, Compositae)
- sàmara: el ze un tipo de achènio gavente espansion (ałe) che ła ghene fasìłita ła despandimento anemòcoro. El pericarpo el ze menbranào co espansion ałare laterałe (fràseno) o perifèrega (olnegaro); se el fruto el ze formà da do sàmare aderenti se ghe ciama desàmara (àsero);
- cariòside: fruto monospèrmio, el deriva da un ovàrio plùricarpełare sincàrpego co pericarpo saldà a l'episperma, tìpego de łe Gramineae. Inte ła so madurasion i tegumenti de ła samesa i ze stai parsialmente dizerii o i ze concresesti col pericarpo;
- nùcuła: fruto monocàrpego co invòłucro erbàseo o curamozo (cùpoła), [ciarimento dimandà]
Fruti sechi ischisocàrpeghi
[canbia | canbia el còdaxe]I deriva da ovàrio plùricarpełare sincàrpego pluriłocułare inte el cuało ogni loja ła se dezartìcuła par dar vita a un achènio monospermio; inte el conpleso forma el schisocarpo. El ùgnoło achènio el tołe el nome de mericarpo (clasìfegasion no considerada vàłida da tuti).
- diachènio, costituio da do acheni (mericarpi) contegnenti na ùgnoła samesa. I se dezunise co i ze maturi. Racuante spece par ła reprodusion łe dasa łe samese distante dal carpòforo, altre invese łe ga fruti caraterizai da "ganseti" che i serve par picarse so superfisi vàrie, intrà ste cuà anca inte ła pełe e peło de łe bèstie, favoréndoghene el desemenarse.[1] (Umbelliferae e Rubiaceae);
- tetrachènio (Labiatae e Boraginaceae);
- poliachènio (Malvaceae e Ranunculaceae).
Tipi de fruti carnozi
[canbia | canbia el còdaxe]I ze fruti co parenchimi richi de àcua. Ezenpi:
- baca: fruto plurisperma, el deriva da ovàrio plùregarpełare, el ga difarenti variante (oraro, mirto, sanbuco, jàsena rosa));
- esperìdio: fruto de łe Rutaceae o sia i agrumi, el ga epicarpo co scarsełe lizìzene, mezocarpo bianco e spugnozo, endocarpo pien de pełi a madurità richi de sugo. El ze da racuanti considarà na baca mudada;
- drupa: fruto co epicarpo sotiło, mezocarpo carnozo, endocarpo legnozo, racuante drupe łe ze monosperme unicarpełari (drupacee cofà suzina, pèrsego, sareza, armełin), pluricarpełari (ułivaro, nogara), plurispermie pluricarpełari (cafè) a mezocarpo coriàseo (noze, mandołaro) o fibrozo (coco);
- pepònide : fruto tìpego de łe Cucurbitaceae (sucato, suca, cocómaro);
- bałausto: fruto tìpego de łe Punicaceae (melogran);
- cabòside: fruto del cacao;
- baca deisente, tìpega de ła noza moscada (a madurità ła lìbara ła samesa co ariło), e de l'Ecballium (Cucurbitaceae)
Fruti conponesti
[canbia | canbia el còdaxe]I ze chełi derivai da pì pistiłi del medèzemo fioro che i resta unii anca inte el fruto. Esenpi:
- połidrupa: deriva da tante picenine drupe inserie sol ricetàcolo conveso del fioro (tìpeghe del zenere Rubus); es. rusare, franbołari;
- conocarpo: deriva dal ricetàcoło carnozo e conveso sul cuało i zera inserii difarenti ovari trasformai in acheni; es. fràgoła (el vero fruto el ze conponesto dai acheni, ła parte carnoza ła deriva da l'ingrosamento del ricetàcoło fiorałe).
Infrutesense
[canbia | canbia el còdaxe]I vari fruti i deriva da pistiłi de fiori diversi che i formava un'infioresensa pì o manco conpata.
- soròsio: formà da tante false drupe che łe se ga orìzenà da ła con-cresensa dei càłezi carnozi (moraro), da spiga curta (psèudo-drupa), o sia l'ànanas co asi bratee e fruti carnozi.
- sicònio: deriva da un ricetàcoło semi-carnozo e cóncavo pien inte el so interior da fiori femenini che i darà dei acheni ficus carica.
Falsi fruti
[canbia | canbia el còdaxe]- pomo: deriva da un ovàrio pentacarpełare ìnfaro sincarpego involzesto dal ricetacolo carnozo col cualo el con-crese (el vero fruto el ze el torso), càłeze persistente.
- cinòrodo o cinorodonte, : el ze el "fruto" del zenere Roza; el ze un falso fruto a copa carnoza, derivante dal ricetàcuło. I fruti i ze i acheni inte el so drento sarai.
- ariło: el ga ła forma simiłar a na baca e ła polpa parò no ła deriva da l'ingrosamento de l'ovàrio ma dai teguminti samenałi.
Rełasion filozenèteghe
[canbia | canbia el còdaxe]El sevente cladograma el mostra łe rełasion fiłozenèteghe intrà i prinsipałi fruti de dòpara par el consumo uman. Sta rełasion ła include i fruti pì conosesti intrà ła fruta carnoza, fruta seca, fruta cariópside (gran), legume e un fruto eterio (fresa).[2][3]
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Notasion
[canbia | canbia el còdaxe]- ↑ Dizionario rapido di scienze pure e applicate.
- ↑ Theodor Cole & Hartmut Hilger 2015 Angiosperm Phylogeny, Flowering Plant Systematics. Archivià il 17 de majo 2017 in Internet Archive. Freie Universität Berlin
- ↑ Stevens, P. F. (2001 onwards). Angiosperm Phylogeny Website. Version 13, 2016
Altri projeti
[canbia | canbia el còdaxe]Wikimedia Commons el detien imàjini o altri file so fruto
Linganbi foresti
[canbia | canbia el còdaxe]- (EN) fruitEnçiclopedia Britannica, Encyclopædia Britannica, Inc.
Controło de autorità | GND (DE) 4130857-8 · NDL (EN, JA) 00565275 |
---|