Espoo
Lidnanznam![]() | |
Valdkund | Suomenma |
Eläjiden lugu (2023) | 311,888 ristitud |
Pind | 528,03 km² |
![]() | |
Pämez' | Jukka Mäkelä (viluku 2011—) |
Telefonkod | +358-(0)9 |
Aigvö | tal'vel UTC+2, kezal UTC+3 |
![](http://178.128.105.246/cars-http-upload.wikimedia.org/wikipedia/commons/thumb/c/cc/Subdivisions_of_Espoo-fi.svg/200px-Subdivisions_of_Espoo-fi.svg.png)
Espoo (mugažo suomen kelel, virkand: [ˈespoː]; roč.: Esbo [ˈɛsːbʊ]) om lidn Suomenman suves, Udenman provincijas. Se om valdkundan kahtenz' lidn eläjiden lugun mödhe (vspäi 1991), Hel'sinkin päivlaskmaine ezilidn.
Istorii
[vajehta | vajehtada lähtetekst]Eländpunkt mainitase ezmäižen kerdan vl 1431. Nimitihe penen Espoonjogen mödhe (roč.: Esbo å, seičemen kilometrad pitte). Vl 1920 oli ühesa tuhad eläjid, i seičeme kümnespäi oliba ročinkel'žed. Espoo kändihe lidnudeks vl 1963 i sai lidnan statusad vl 1972.
Espoo šingotase torguindan järedoil keskusil, Suomenoja-elektrostancijal, universitetan Aalton nimed tedoidusil. Fortum-, Neste- i Nokia- kompanijoiden päfaterad oma saudud lidnan territorijal. Kaikiš suremb radonandai om Espoon lidnan tobmuz (14 tuhad radnikoid).
Geografijan andmused
[vajehta | vajehtada lähtetekst]Lidn sijadase Suomen lahten pohjoižrandal. Randanpird om 58 km pitte, 165 merisart. Severz'-se penid reskveden järvid om lidnan pohjoižpalas. Erine Kauniainen-lidn om anklavaks Espoon keskuses. Vn 2020 andmisiden mödhe lidnan ühthine pind — 528,03 km², sidä kesken kuiv ma 312,29 km², vezi i sokaz tahond — 17,94 km², meren pind om 197,80 km².
Klimat om ven, lähižen Hel'sinkin pojav. Sä om vajehtui, Suomen laht pehmdab sidä. Voden keskmäine lämuz om +5..+6 C°. Paneb sadegid 600..700 mm vodes.
Tobmuz
[vajehta | vajehtada lähtetekst]Espoo jagase seičemeks nimitadud rajonaks, ned alajagasoiš 56 kundaks.
Edeline lidnan pämez' oli Marketta Kokkonen vll 1995−2010.
Eläjad
[vajehta | vajehtada lähtetekst]Vl 1970 lidnan ristitišt oli 92 655 ristitud. Vl 2000 lidnan eläjiden lugu oli 209 667 ristitud. Kaikiš suremb lidnan ristitišt om nügüd'.
Mamankelen mödhe (2016): suomen kel' — 77,5 %, ročin kel' — 7,3 %, toižed keled — 15,2 %. Lidn om kaks'keline oficialižikš.
Universitet Aalton nimed[1] (alusenpanend 2010, 17,5 tuh. üläopenikoid vl 2016) om Espoon professionaližen opendusen päižeks aluzkundaks.
Transport
[vajehta | vajehtada lähtetekst]Avtobusad da taksid oma kundaližeks transportaks lidnas da sen ümbrištos. Vn 2017 kül'mkuspäi lidnan keskuz om ühtenzoittud Hel'sinkinke metropolitenal.
Lähembaine rahvahidenkeskeine lendimport sijadase lähižes Vantaa-lidnas.
Galerei
[vajehta | vajehtada lähtetekst]-
Lidnan ohjastusen pert' (2005)
-
Espoon teatr, vn 2010 nägu
-
Nokia:n päfater vl 2011
-
«Iso Omena»-torguindkeskuz (2014)
-
«Espoo Metro Areena»-stadion äjiden kävutandoiden täht (2009)
Homaičendad
[vajehta | vajehtada lähtetekst]- ↑ Universitetan Aalton nimed sait (aalto.fi). (suom.) (roč.) (angl.)
Irdkosketused
[vajehta | vajehtada lähtetekst]- Lidnan ohjastusen sait (espoo.fi). (suom.) (roč.) (angl.)
![]() |
Espoo Vikiaitas |