Mänttä-Vilppul
Lidnanznam![]() | |
Valdkund | Suomenma |
Eläjiden lugu (2020-01-01) | 9,850 ristitud |
Pind | 657,08 km² |
Pämez' | Markus Auvinen (viluku 2018—) |
Telefonkod | +358- |
Aigvö | tal'vel UTC+2, kezal UTC+3 |
Mänttä-Vilppul (suom.: Mänttä-Vilppula, roč.: Mänttä-Filpula / Mänttä-Vilppula) om Suomenman lidn da lidnankund valdkundan suvipalan keskusen päivlaskmas. Se om Pirkanma-agjan kahesanz' lidnankund kaks'toštkümnespäi eläjiden lugun mödhe.
Istorii
[vajehta | vajehtada lähtetekst]Municipalitetan aluz om pandud vspäi 2009 lidnan statusanke, ühtištuihe Mänttä-lidnad Vilppul-küläkundanke. Kundan keskusen ristitišt ližadui ühtištusen jäl'ghe, toižel territorijal se poleni lujas. Kävutadas enččen Vilppul-municipalitetan znamad.
Mänttä-Vilppul šingotase «Metsä Tissue»-kompanijan cellülozbumagaižel tegimel (läz 400 radnikad vl 2019).
Geografijan andmused
[vajehta | vajehtada lähtetekst]Lidn sijadase agjan pohjoižpäivnouzmaiženno röunanno. Kaik om 136 järved kundas, znamasižembad järved oma Ruovesi, Kuorevesi i Keurusselkä. Matkad agjan Tampereh-keskushesai om 75 km suvipäivlaskmha orhal vai 90 km avtol, Hel'sinkihesai — 210 km suvhe orhal vai 263 km avtotedme. Lähembaižed lidnad (avtol) oma Keuruu (Kesksuomenma) 33 km pohjoižhe, Jämsä (Kesksuomenma) 40 km suvipäivnouzmha i Orivezi 48 km suvhe-suvipäivlaskmha. Kahesakilometrine raudtesarak tuleb Mänttähä Vilppulaspäi.
Vl 2020 lidnan ühthine pind — 657,08 km², sidä kesken kuivma 534,85 km², vezi i sokaz tahond ottas 122,23 nellikkilometrad.
Eläjad
[vajehta | vajehtada lähtetekst]Vl 1980 nügüdläižen territorijan eläjiden lugu oli 15 147 ristitud (kaikiš suremb ristitišt siš vodespäi), vl 2010 — 11 413 ristitud. Seičeme ristitud ühesaspäi elädas kundan keskuses.
Mamankelen mödhe (2016): suomen kel' — 97,4%, ročin kel' — 0,2%, toižed keled — 2,4%.
Esa Sirviö radoi edeližen lidnanpämehen (2012−2017).
Galerei
[vajehta | vajehtada lähtetekst]-
Lidnan ohjastusen pert'
-
Mänttän jumalanpert'
(1928, vn 2015 nägu) -
«Metsä Tissue»-kompanijan cellülozbumagaine tegim (2018)
-
Vilppulan raudtestancijan sauvuz
vl 2019
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan oficialine sait (manttavilppula.fi). (suom.) (angl.)
![]() |
Mänttä-Vilppul Vikiaitas |