Demosthenes
Demosthenes (Oedgrieks: Δημοσθένης, Dēmosthénēs) (Athene, 384 v.Chr. – Kalaureia, nu eiland Poros, 322 v.Chr.) was 'n Atheensche redenoare, jurist en pollitieker.
Je was de zeune van e ryke woap'nfabrikant, moa je verloor zyn voader ip zeevnjoarige leeftyd. Zyn erfdeil wierd verspild deur zyn voogd'n. Zyn eiste gerechtsredevoeryngn gyngn over erfeniskwestjes.
Zyn toesproak'n kwoamn in 't begun nie goewd over omdat 'n zoe gestoameld hèn. Doarom begost ie t' oefenn vo beter te spreek'n vor e growte meinigte en vo beter verstoanboar te komn. Je deid dadde deur te klap'n me kiezelsteins in zyn moend en je probeerde van boovn 't geluyd van de zeie uyt te komn vo zyn stemme te versterk'n. Je groeide azo uyt toet de belangrykste redenoare en pollitieker van zyn tyd.
Demosthenes kwam in verzet teegn Philippus II van Macedonië die de vryheid van Athene bedreigde, en je riep de bevolkynge ip toet weerstand. Os de veldheire Antipater Athene bezette, wierd Demosthenes ter dowd verowrdeild. Je vluchtte noa 't eiland Kalaureia en je makte in de Poseidontempel 'n ende an zyn leevn deur vergif.
![](http://178.128.105.246/cars-http-upload.wikimedia.org/wikipedia/commons/thumb/4/48/D%C3%A9mosth%C3%A8ne_s%27exer%C3%A7ant_%C3%A0_la_parole_%281870%29_by_Jean-Jules-Antoine_Lecomte_du_Nou%C3%BF.jpg/220px-D%C3%A9mosth%C3%A8ne_s%27exer%C3%A7ant_%C3%A0_la_parole_%281870%29_by_Jean-Jules-Antoine_Lecomte_du_Nou%C3%BF.jpg)