噚晚TVB嘅《東張西望》,播出「電視風雲」特輯,不過惹起網民投訴潮,半日通訊局已經收到過萬個投訴。
而無綫方面,截至中午亦收到22個投訴,當中包括10個電話以及12個電郵,投訴內容包括「不夠全面」及「有點偏頗」。無綫宣傳科副總監曾醒明就表示,無綫亦收到三個電話、五個電郵總共八個咁多嘅讚賞,指報導「客觀持平」,「能讓觀眾多了解電視牌照風波的前後發展」。對於收到逾萬個投訴,曾醒明喺電話入面話﹕「之前提及過,《東張西望》係就社會大家關心嘅議題作出專題報道,以過往幾方面,解構整個免費電視牌嘅前因後果。觀眾有不同聲音,投訴或讚賞都會畀番有關部門作參考。」有八個「讚」,真係好有「參考價值」,可以慢慢睇!