孖龔嘉欣拍新劇 張振朗不怕女友嬲

備受無綫力捧的張振朗，憑住劇集《踩過界》谷一夏（Gogo）一角上位，據《e+娛樂》報道指無綫已計劃全力催谷他做一線小生，在9月開拍新劇《堅離地對堅離地》孭重飛，並再與緋聞女友龔嘉欣合作，對於正印女友陳芷尤會否呷醋，他即大讚對方：「佢善解人意唔會嬲！」

上月正式踏入30歲的張振朗，憑《全職沒女》以及《踩過界》的精湛表現，令他人氣急升！據《e+娛樂》報道指無綫已計劃今年內力谷張振朗做一線小生，並於新劇《堅離地對堅離地》孭重飛。對此，張振朗回應說：「公司畀機會我，自己都要好努力去做好。」他透露新劇中將扮演宅男，更坦言不怕為角色扮醜：「造型一定唔會係靚仔，其實自己都唔想咁四正，甩皮甩骨仲好。」此外，問到新劇再與緋聞女友龔嘉欣合作會否怕正印女友陳芷尤嬲，他謂：「我唔驚，傳過即係唔係真，即係唔會再傳多鑊。Apple（陳芷尤）係我好朋友嚟，佢善解人意唔會嬲。」