無綫節目《東張西望》周三晚播出的一集,後半集內容以探討餵哺母乳為主題,但節目出街後,即引起部份母乳媽媽不滿。香港母乳育嬰協會周四在fb發表聲明,斥該集《東張西望》內容不持平、誤導及失實,該會對此遺憾失望,將去信通訊事務管理局投訴,獲不少網民讚好支持。
詃會在fb怒數《東張西望》五宗罪及謬誤,包括:
1.將媽媽們分為對立兩派;
2.抹黑母乳餵哺是「追潮流」,只聚焦餵哺母乳之困難,又斷章取義指奶粉的營養價值與母乳相若;
3.集中報道兒科醫生李家仁指孩子只需接種疫苗便不常生病,又集中提及奶粉罐標示的營養,誤導公眾奶粉營養的價值與母乳相若,而實情是疫苗跟母乳中的天然抗體不能相題並論;
4.只訪問香港嬰幼兒營養聯會,而該會是香港六大奶粉生產商所成立,受訪內容含有商業考慮。香港母乳育嬰協會要求接受訪問,卻被無綫以希望「避免跟奶粉商對立」而拒絕。該會質疑節目是想以引導式手法反對推行《香港配方奶及相關產品和嬰幼兒食品的銷售及品質守則》;
5.誤導公眾對母乳餵哺的認知,令公眾以為母乳餵哺是新興意識形態,強迫新手媽媽服從而非對母嬰好處着眼。
不少網民就留言鬧爆《東張西望》,指該節目一向不持平,亦有人質疑節目內容偏幫奶粉商,質疑背後有商業利益關係。
香港母乳育嬰會fb
https://www.facebook.com/hkbfma/?fref=nf
【網民咁講】
●Queenie Kayanqueenie:害咗好多新手媽媽,由其本身家人唔了解又唔支持餵母乳嗰啲
●Amy Wong:覺得個節目係嚴重分化奶媽同粉媽,作為一個全人奶17個月的媽媽,唔覺得追潮流要搞到自己長期唔夠瞓。好侮辱我哋的堅持同信念。我哋唔需要任何的光環,我哋只是將我哋認為最好的俾我哋的bb。節目立場唔代表我哋立場,一啲本身屋企唔支持母乳的媽媽,節目出街後要受的壓力仲大咗。個節目明顯偏頗,好唔負責任。
●Erin Wong:應該要求無綫披露該電視台與各配方奶粉商之廣告合作關係,並註明每年從配方奶粉商處所收受之廣告收益總額,俾公眾有足夠資訊去判斷無綫嘅立場
●Peggy Chan:依個節目一向都係有所偏頗,為強權同商人服務。由之前工人罷工事件,到後來露宿者事件,一直都無改變,根本就係低質垃圾節目
●Kyasi Lee:作為一個全人奶十六個月依然堅持緊嘅媽媽,我好肯定自己唔係為咗追潮流先咁做。返工泵奶係辛苦,但係值得,唔應該咁侮辱我哋所做嘅事。再者,我個人唔反對其他媽媽因為唔同嘅原因餵奶粉,但唔應該向公眾推崇奶粉。如果有媽媽因為節目誤導以為奶粉好好多,咁就令到一個bb損失咗食母乳嘅權利。好唔負責任!
2017年03月11日