撰文：趙允琳
最後更新日期：
歌手谷微（Vivian）昨日（14日）出席按摩椅品牌活動，表演了《安守本份》及《聽海》兩首歌曲。Vivian透露早前到了北京中央戲劇學院學習演戲：「突然間覺得自己好有演戲天份！好想拍劇！」她表示自己才剛剛開始起步，希望自己能在學有所成時展現成果給大家看。雖然現時還沒有任何拍劇的計劃，但Vivian表示如有機會，很想嘗試不同的角色：「我覺得做歌手淨係可以做自己，但演戲可以做好多唔同嘅角色，例如警察、醫生、老師，乜都可以做！古裝我都好鐘意！」最想跟哪位前輩合作？「我好貪心，邊個都想啊！我覺得每一個人對我嚟講每一個都係前輩，所以我講唔到一個人出嚟。」
谷薇日前拋下歌手身份，到了北京中央戲劇學院學習演戲，她稱希望有機會可以嘗試拍劇。（梁碧玲攝）
Vivian說最近在錄新歌為新專輯做準備：「同公司傾好晒話出年畀我出碟，我唔知係唔係真嘅，但我信咗！（是廣東歌還是普通話歌？）廣東歌，但係普通話歌都有。」
Vivian一直以「谷薇」這個名字活動，但她最近卻在社交網站上改了自己的名字做「谷婭溦」，她表示：「我覺得自己需要重新出發，希望自己可以更加好，所以改咗個名可以帶畀自己更好嘅運氣。」���亦以新的身份跟大家打招呼：「我係谷薇，但係我都係谷婭溦！」
谷薇說大家以後可以叫她谷婭溦或Vivian都可以！（梁碧玲攝）
