Augrabieswaterval
Die Augrabieswaterval is 'n loodregte waterval in die Oranjerivier naby Augrabies in die Noord-Kaap, Suid-Afrika. Dit is by verre Suid-Afrika se grootste waterval in terme van volume met 'n gemiddelde volume van 313 m3/s. Die waterval is 56 m hoog met 'n gemiddelde wydte van 24 m. Die bevestigde maksimumvloei tydens 'n vloed is 14 159 m3/s.[1]
![](http://178.128.105.246/content-http-upload.wikimedia.org/wikipedia/commons/thumb/f/fc/Augrabies_Falls%2C_March_2008.jpg/280px-Augrabies_Falls%2C_March_2008.jpg)
Die naam Augrabies is afgelei van die Korana se woord aukurabis wat 'die water wat donder' beteken.[2][3]
Die Augrabieswaterval is nie die hoogste nie maar wel een van die grootste watervalle van Suid-Afrika. Dit kom in die Benede-Oranjerivier voor, omtrent 125 km wes van Upington en 40 km stroomaf van Kakamas.
Die Nederlandse ontdekkingsreisiger Hendrik Wikar het in 1778 vir die eerste keer die bestaan van die waterval opgeteken. Alhoewel die Engelse ontdekkingsreisiger George Thompson 1824 die waterval die naam ‘The Cataract of King George' gegee het, word dit vandag Augrabies genoem, wat afgelei is van die oorspronklike Namawoord.
Die hoofwaterval van die Augrabies is 93 m hoog, maar as die reeks stroomversnellings hoër op bygereken word, stort die water meer as 190 m na benede. Die reeks valle is geleë in 'n rotsskeur van 220 m diep, 150 m breed en minstens 12 km lank. Die water het deur die eeue heen maalgate in die graniet ingevreet. Sommige van die gate is 5 tot 10 m diep. Die kloof onderkant die waterval is 'n uitstekende voorbeeld van granietverwering en bied 'n groot verskeidenheid van interessante rotsformasies.
Sien ook
wysigGalery
wysig-
Die Augrabieswaterval.
-
Die waterval in vloed.
-
Die waterval vanaf die besigtigingsplatform.
-
Die "maanrotse" in die Augrabies Nasionale Park.
-
'n Dassie bak in die oggendson.
-
Voetpaadjies tussen die platforms.
Verwysings
wysig- ↑ "argiefkopie". Geargiveer vanaf die oorspronklike op 12 Julie 2011. Besoek op 3 Mei 2011.
- ↑ B.P.J. Erasmus. Op Pad in Suid-Afrika. 1995. ISBN 1-86842-026-4
- ↑ Volgens die HAT Taal-en-feitegids (Pearson, Desember 2013, ISBN 978-1-77578-243-8) is die oorspronklike Khoi-khoinaam, "Aukoerebis", en beteken dit "plek van die groot geraas".
Bron
wysig- Wêreldspektrum, 1982, ISBN 0908409435, volume 2, bl. 119,120