BBC Alba
BBC Alba is 'n digitale Skotse televisiekanaal wat Skots-Gaeliese programme uitsaai en gemeenskaplik bedryf word deur die nasionale Britse uitsaaikorporasie BBC en die media-onderneming MG Alba.[1] Die kanaal is geloods op 19 September 2008.
BBC Alba | |
![]() ![]() | |
Tipe | Publieke uitsaaikorporasie |
---|---|
Gestig | 19 September 2009 |
Hoofkantoor | Pacific Quay, Glasgow, en Stornoway, Skotland, ![]() |
Gebied bedien | Skotland, Verenigde Koninkryk |
Industrie | Uitsaaidienste |
Produkte | TV- en radioprogramme, internet-portale |
Dienste | Televisie, radio, aanlyn |
Webwerf | bbc.com/alba |
BBC Alba (Alba is die Gaeliese naam van Skotland) is die eerste Britse televisiekanaal wat sy programme onder 'n BBC-lisensie in vennootskap met 'n ander media-organisasie beeldsaai asook die eerste multigenre-kanaal waarvan die programme byna uitsluitlik in Skotland vervaardig word.
In Skotland kan BBC Alba as deel van die digitale terrestriële DVB-T2-diens Freeview deur 'n antenne ontvang word (kanaal 7), in die hele Verenigde Koninkryk op Sky 142 en Freesat 109 (satelliet-televisie), Virgin Media 188 (kabeltelevisie), die internetdiens BBC iPlayer en TVPlayer. BBC Alba se daaglikse uitsaaityd is tot sewe ure, met 'n gemiddeld van 637 000 kykers bo die ouderdom van 16 jaar per week.
Verwysings
wysig- ↑ MG Alba: BBC Alba Partnership. Besoek op 17 Januarie 2018[dooie skakel]