Myriam Kloster
D’ Myriam Kloster (* 4. Àuigscht 1989 z’ Montreuil, Département Pas-de-Calais) ìsch a ehamààliga frànzeescha Volleybàllschpììlera, wo àls Mìttelblockera gschpììlt hàt. Mìt verschììdana frànzeescha Verainsmànnschàfta-n-ìsch sa amol frànzeescha Maischtera un dräimol Pokààlsiigera worra. Üsserdam hàt sa mìt dr Nàzionààlmànnschàft gschpììlt.
Myriam Kloster | |
![]() | |
D’ Myriam Kloster ìm Triko vum RC Cannes ànna 2017 | |
Porträt | |
---|---|
Geburtsdag | 4. Àuigscht 1989 |
Geburtsort | Montreuil, Frànkrììch |
Greßi | 1,88 m |
Position | Mìttelblock |
Verain | |
2007–2008 2008–2011 2011–2013 2013–2015 2015–2020 2020–2022 |
![]() ![]() ![]() ![]() ![]() ![]() ![]() ![]() |
Nationalmannschaft | |
2007–2014 |
![]() ![]() |
Erfolg | |
2009, 2010, 2011 2015, 2016, 2018 2015, 2016, 2018 2019 2019 |
frànzeescha Vìzamaischtera frànzeescha Vìzamaischtera frànzeescha Pokààlsiigera frànzeescha Maischtera frànzeescha Schpìtzapokààlsiigera |
Stand: 2. Hornung 2023 |
Dialäkt: Mìlhüüserdiitsch |
ìhra Kìndhait un Jugendsjoohra
ändereD’ Myriam Kloster ìsch ànna 1989 z’ Montreuil ìn Nordfrànkrììch uff d’ Walt kumma. Ìhra Vàtter schtàmmt üss Nànzig, ìhra Müatter üss Bangui ìn dr Zäntrààlàfrikànischa Repüblik. Ìn ìhra Kìnderjoohra hàt d’ Kloster äbba säcks Joohra làng uff Tahiti glabt, un àui àb 2000 uff dr Ìnsla Réunion. Uff Tahiti hàt sa glarnt seegla un tànza. Biim Verain ASPTT Saint-Denis uff La Réunion hàt sa zem äärschta Mol Volleybàll gschpììlt.[1][2][3]
ìhra Kàrriar
ändereÜssbìldung
ändereMìt 13 Joohra-n-ìsch d’ Kloster zem Pôle Espoir vu Boulouris ìn Süüdfrànkrììch gànga ge schpììla — d’rwillscht hàt sa zwai Joohra làng biim Verain AS Saint-Raphaël gschpììlt. Ìm Harbscht 2003 hàt sa àn’ma nàzionààla Furtbìldungskurs fìr d’ U–18 mìtgmàcht. Àb 2004 hàt sa Üssbìldung àm Federààla Volleybàll-Ìnschtitüüt (IFVB) z’ Toulouse bikumma — sa ìsch doo mìt 15 Joohra inagànga, normààlerwiis müass maa 16 Joohra àlt sìì fìr ìns Ìnschtitüüt inageh. Doo ìsch sa dräi Joohra làng blììwa; ìn da zwai äärschta Joohra-n-ìsch sa vu dr Marie Tari gebìlda worra, wo zwaimol ìn dr Kàtegorii Amatööra frànzeescha Maischtera worra-n-ìsch. Ìm äärschta Joohr hàt d’ Kloster gliichzittig mìt’m Verain vu Gruissan gschpììlt; doo hàt sa zamma mìt dr Héléna Cazaute gschpììlt. Mìt dr Verainsmànnschàft hàt sa ìn dr Liiga Nationale 3 vu da Senioora gschpììlt. Ànna 2005/2006 hàt sa mìt dr Junioora-Mànnschàft vum Pôle France ìn dr Liiga Nationale 2 gschpììlt — doo hàt sa àndra Schpììlerinna kännaglehrt, wia d’ Aminata Coulibaly, mìt wäller sa schpeeter z’ Mìlhüüsa gschpììlt hàt, un d’ Laura Ong, mìt wäller sa schpeeter biim Paix d’Aix-Venelles VB gschpììlt hàt. Ìm drìtta Joohr ìsch sa vum Jacques Béraux träniart worra; àm And vum Saison ìsch d’ Mànnschàft vum Pôle France ìn d’ N2 gschtììga.[1]
Profi-Verainskàrriar
ändereÌhr äärschter Vertrààg hàt d’ Kloster biim süüdfrànzeescha Verain Gazélec Béziers fìr d’ Saison 2007/08 unterzaichent. Mìt dr Verainsmànnschàft ìsch sa Viarzehnta ìn dr Nàzionààlmaischterschàft worra; sa ìsch àui uff Plàtz 9 vu dr öiropäischa Challenge Cup ànakumma. Ìm Joohr druff hàt sa a Vertrààg biim elsassischa Verain ASPTT Mìlhüüsa unterzaichent. Doo ìsch sa vu dr Magali Magail träniart worra.[1] Ìn dr äärschta Saison mìt’m Verain ìsch sa àm Kriizbànd verlätzt worra un hàt fìr zwaiainhàlb Moneeta nìt känna Schpììla.[1] Trotzdam ìsch sa mìt dr Verainsmànnschàft frànzeescha Vìzamaischtera worra un hàt s’ Andschpììl vum nàzionààla Pokààlwättbewarb geega dr RC Cannes mìt 3:0 verloora. Üsserdam ìsch sa uff Plàtz 14 bii dr Öiropäischa Champions League ànakumma. Ìn dr zwaita Saison (2009/2010) hàt sa d’ gliicha-n-Ärgaabnisser ärziilt; d’ Kloster ìsch sogààr àls „Nàchwuckstàlant vu dr Saison“ ààglüagt worra.[1] Ànna 2010/11 ìsch sa nochamol frànzeescha Vìzamaischtera worra, àwwer ìsch numma-n-uff Plàtz 5 ìm Pokààlwättbewarb ànakumma — waga-n-era Schwàngerschàft hàt d’ Kloster salbscht numma viar Moneeta làng àn da Schpììler mìtgmàcht.
Ànna 2011 hàt d’ Kloster biim süüdfrànzeescha Verain Pays d’Aix-Venelles a Vertrààg fìr zwai joohra unterzaichent. Waga-n-ìhrer Schwàngerschàft hàt sa numma-n-àb 2012 känna schpììla.[1] Àm And vu dr Saison 2011/12 ìsch sa mìt dr Verainsmànnschàft Zehnta ìn dr Nàzionààlmaischterschàft so wia Niinta ìm Pokààlwättbewarb worra. Ìm Joohr 2012/2013 ìsch sa Säckschta bii dr Maischterschàft un Niinta biim Pokààlwättbewarb worra.
D’rnooh ìsch d’ Kloster fìr zwai Joohra zem Verain vu Le Cannet gànga ge schpììla.[4] Mìt dara Mànnschàft ìsch sa ànna 2013/14 uff Plàtz 4 vu dr Nàzionààlmaischterschàft so wia-n-uff Plàtz 5 vum Pokààlwättbewarb ànakumma; üsserdam ìsch sa nochamol bis àm Plàtz 5 vum CEV-Pokààl glunga. Ìn dr Saison 2014/15 ìsch sa nochamol frànzeescha Vìzamaischtera worra un hàt zem äärschta Mol dr Frànkrììch-Pokààl gwunna. Üsserdam ìsch sa fìr ìhra indiwidüälla Laischtung dräifàch üsszaichent worra: àls Bäschta Mìttelblockera, Bäschta Blockera so wia Bäschta Schpììlera (MVP).[5][6]
Ànna 2015 ìsch d’ Kloster zem RC Cannes gànga ge schpììla; doo hàt sa a Vertrààg fìr zwai Joohra unterzaichent.[7] Àm Ààfàng vu dr Saison 2015/16 hàt sa dr Schpìtzapokààl geega-n-ìhra ehamààliga Verain Le Cannet mìt 3:2 verloora.[8] Sa ìsch àwwer frànzeescha Vìzamaischtera un nochamol Pokààlsiigera worra. Bii dr Champions League ìsch d’ Verainsmànnschàft uff Plàtz 14 ànakumma. Ìm Joohr druff hàt sa dr Schpìtzapokààl geega Saint-Raphaël mìt 3:0 verloora. Sa ìsch jedoch uff Plàtz 5 ìm Pokààl wia àui ìn dr Nàzionààlmaischterschàft ànakumma; ìn dr Nàzionààlliiga-n-ìsch d’ Kloster salbscht àls Bäschta Blockera-n-üsszaichent worra. Àm And vu dr Saison 2016/17 hàt sa ìhra Vertrààg um zwai Joohr verlängert.[9] Ànna 2017/18 ìsch sa mìt Cannes nochamol Vìzamaischtera worra un hàt nochamol dr Pokààl gwunna. Ìm Joohr 2018/19 ìsch sa frànzeescha Maischtera worra un ìsch nochamol àls Bäschta Blockera vu dr Nàzionààlliga üsszaichent worra. D’rzüa ìsch sa biim Pokààlwättbewarb bis àm Plàtz 5 glunga, un bis àm Plàtz 11 bii dr Champions League. Àm Ààfàng vu dr Saison ìsch sa Kàpitään vu dr Mànnschàft vum RC Cannes worra gsìì.[10] Ìn dr Saison 2019/2020 hàt sa dr Schpìtzapokààl mìt 3:1 geega Saint-Raphaël gwunna un ìsch d’rzüa uff Plàtz 4 ìm Pokààlwättbewarb ànakumma. D’ Verainsmànnschàft ìsch uff Plàtz Dräi ìm Tàball vu dr Nàzionààlmaischterschàft gsìì,[11] vor äbb s’ Wättbewarb waga dr COVID-19-Pandemii àbgsajt worra-n-ìsch.
Doo druff ìsch d’ Kloster zem Verain Pays d’Aix-Venelles z’ruckkumma.[12] Doo hàt sa a Vertrààg fìr zwai Joohra unterzaichent.[13] Mìt dr Verainsmànnschàft ìsch sa 2020/21 Siabta ìn dr Nàzionààlmaischterschàft worra, un Drìtta ìm Jooh druff — doo ìsch sa nochamol Bäschta Blockera un Bäschta Mìttelblockera vu dr Nàzionààlliiga ärnännt worra. Àm And vu dr Saison 2021/22 hàt d’ Kloster ìhra Kàrriar schluss gmàcht.[14][15]
ìn dr Nàzionààlmànnschàft
ändereD’ Myriam Kloster ìsch z’äärscht Mìtglììd gsìì ìn dr frànzeescha Nàzionààlmànnschàft vu da U-18 un vu da U-20. Mìt Mànnschàft vu da U-18 hàt sa ànna 2004 ìn dr Slowàkäi àn dr Kwàlifikàzioonsrunda fìr d’ Öiropàmaischterschàft mìtgmàcht — doo hàt sìch s’ Frànkrììch fìrs Wättbewarb nìt kwàlifiziart.[1] Mìt dr U-20-Nàzionààlmànnschàft hàt sa àn dr öiropäischa Maischterschàft vu da Juniorinna z’ Saint-Dié-des-Vosges ìm Lothrìnga mìtgmàcht — doo ìsch s’ Frànkrììch bis uff Plàtz 7 glunga. Ìm Nowamber 2007 hàt d’ Kloster z’ Ankara ìhr äärscht Schpììl mìt dr A-Nàzionààlmànnschàft gaa.[1] Ìm Joohr 2007 ìsch sa mìt dr frànzeescha Mànnschàft uff Plàtz 13 vu da Walthochschüalschpììler z’ Bangkok ànakumma. Ànna 2009 ìsch sa uff Plàtz 4 vu dr öiropäischa Golden League ànakumma; àn dam Turniar ìsch sa d’rzüa àls Bäschta-n-Uffschlaagera üsszaichent worra.[1] Trotzdam ìsch d’ Kloster àm Ààfàng vu dr Saison 2009/2010 vum Trääner Fabrice Vial nìt ìn d’ Nàzionààlmànnschàft berüafa worra.[1] Waga-n-ìhra Schwàngerschàft ànna 2011 hàt sa àn da Öiropàmaischterschàfta nìt känna mìtmàcha. Sa ìsch jedoch ìm Jüüni 2012 wììder ìn d’ Nàzionààlmànnschàft berüafa worra un hàt àn säcks Vorberaitungsschpììler geega Schpània un d’ Tscheechischa Repüblik mìtgmàcht, wia àui àn säcks Kwàlifikàzioonsschpììler.[1] Vu 2013 àà hàt d’ Kloster ìn dr Nàzionààlmànnschàft zamma mìt viar Verainskolleega gschpììlt ghàà: d’ Elisabeth Fedele, d’ Alexandra Jupiter, d’ Maëva Orle un d’ Mallory Steux.[16][17] Ìm Joohr 2013 ìsch sa mìt Frànkrììch Àchta bii dr Öiropàmaischterschàft ànakumma, so wia-n-uff Plàtz 6 vu da Mìttelmeerschpììler. Ìm Nowamber 2014 hàt d’ Kloster ìhra Rucktrìtt üss dr Nàzionààlmànnschàft verkìndet, fìr sìch àn ìhrer Tochter wìdma.[18]
Üsserdam ìsch d’ Kloster Kàpitään gsìì vu dr Volleybàllmànnschàft vun La Réunion.[19] Schuu-n-ìm Summer 2003 hàt sa mìt 14 Joohra zamma mìt dr Senior-Mànnschàft vun La Réunion àn da Indian Ocean Island Games mìtgmàcht.[1] Ànna 2015 hàt sa jedoch àn da Indian Ocean Island Games nìt känna mìtmàcha, wial sa d’ Kriteeria fìrs Mìtmàcha nìt ärfìllt hàt.[19][20] Wagadam hàt sìch d’ Volleybàll-Liga vun La Réunion üss dr Orgànisàzioon vu da Schpììler z’ruckgezooga;[21]
Weblìnks
ändereAinzelnoohwiisa
ändere- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Sportive du mois : Myriam Kloster. In: Sport santé. Nr. 301, Februar 2013, S. 32–34 (französisch, archive.org [PDF; abgerufen am 3. Februar 2023]).
- ↑ Christian Entz: Volley-ball. Myriam Kloster : la vahiné ne se lance pas de fleurs. In: L’Alsace. 9. Oktober 2010, archiviert vom Original am 3. Februar 2023; abgruefen am 2. Februar 2023 (französisch).
- ↑ J. S.: À Cannes, Myriam Kloster a découvert un nouvel univers. In: Ouest-France. 26. März 2016, archiviert vom Original am 3. Februar 2023; abgruefen am 3. Februar 2023 (französisch).
- ↑ Florian Polteau: Volley – Kloster arrive au Cannet. In: Femmes de sport. 22. Juli 2013, abgruefen am 3. Februar 2023 (französisch).
- ↑ Florian Polteau: Kloster meilleure joueuse de la saison. In: Femmes de sport. 9. April 2015, abgruefen am 3. Februar 2023 (französisch).
- ↑ Guillaume Degoulet: Myriam Kloster : «Je suis touchée ». In: L’Équipe. 7. April 2015, archiviert vom Original am 7. Januar 2016; abgruefen am 3. Februar 2023 (französisch).
- ↑ G.De.: Myriam Kloster rejoint le RC Cannes. In: L’Équipe. 2. Juli 2015, abgruefen am 3. Februar 2023 (französisch).
- ↑ Xavier Rolland: Le Cannet gagne la première Supercoupe de volley. In: Femmes de sport. 24. Dezember 2015, abgruefen am 3. Februar 2023 (französisch).
- ↑ Guillaume Degoulet: Myriam Kloster : « Je ne pouvais pas quitter Cannes ainsi ». In: L’Équipe. 13. Juni 2017, abgruefen am 3. Februar 2023 (französisch).
- ↑ R. K.: Myriam Kloster, nouvelle capitaine du RC Cannes. In: Nice-Matin. 4. Oktober 2018, archiviert vom Original am 9. August 2020; abgruefen am 3. Februar 2023 (französisch).
- ↑ Ligue A féminine 2019/2020, Saison Régulière (France - 04/10/2019 - 28/03/2020) : Classement. In: LesSports.info. Archiviert vom Original am 22. Januar 2023; abgruefen am 20. Januar 2023 (französisch).
- ↑ Guillaume Degoulet: Myriam Kloster évoque son retour à Venelles : « Un vrai défi ». In: L’Équipe. 13. Mai 2020, archiviert vom Original am 29. September 2021; abgruefen am 2. Februar 2023 (französisch).
- ↑ Mathias Lloret: Volley Ligue A Féminine : "J'ai envie de gagner avec le PAVVB" (Kloster). In: La Provence. 3. Mai 2020, archiviert vom Original am 2. Juni 2020; abgruefen am 3. Februar 2023 (französisch).
- ↑ C.M: Myriam Kloster : "L'heure de raccrocher". In: Clicanoo. 21. April 2022, abgruefen am 3. Februar 2023 (französisch).
- ↑ Anouk Corge: Myriam Kloster, désormais à la retraite : « Ma carrière est belle ». In: L’Équipe. 15. April 2022, archiviert vom Original am 30. April 2022; abgruefen am 2. Februar 2023 (französisch).
- ↑ Julien Galle: Une équipe de France à l’accent Cannetan. 2. Dezember 2013, abgruefen am 3. Februar 2023 (französisch).
- ↑ Anne Lehars: 5 joueuses du Cannet et 1 de Cannes en équipe de France. France 3 Provence-Alpes-Côte-d’Azur, 2. Januar 2014, abgruefen am 3. Februar 2023 (französisch).
- ↑ Florian Polteau: Myriam Kloster dit stop à l’EDF pour sa fille. In: Femmes de Sport. 4. November 2014, archiviert vom Original am 24. September 2022; abgruefen am 2. Februar 2023 (französisch).
- ↑ 19,0 19,1 Volley-ball - Arrêt du tournoi féminin ? 4. August 2015, abgruefen am 3. Februar 2023 (französisch).
- ↑ Pierrot Dupuy: JIOI : La volleyeuse réunionnaise Myriam Kloster définitivement exclue des Jeux. In: ZInfos974. 6. August 2015, archiviert vom Original am 30. Juli 2021; abgruefen am 2. Februar 2023 (französisch).
- ↑ La disqualification de Myriam Kloster … un feuilleton. In: La Nation. 6. August 2015, archiviert vom Original am 3. Februar 2023; abgruefen am 3. Februar 2023 (französisch): „A noter que la ligue réunionnaise de volley-ball s’est retirée de l’organisation de la compétition féminine suite à l'éviction des Jeux des îles de l’Océan Indien de sa joueuse Myriam Kloster.“