Gary Lux
Da Gary Lux (* 26. Jänner 1959 in Kingston, Ontario, Kanada, ois Gerhard Lux) is a östareichischa Sänga, Komponist und Musiproduzent. Sei Liadl wia z. B. Du Bist Anders Genau Wie Ich lossn si zua de Austroschloga zuauadnan.
![](http://178.128.105.246/content-http-upload.wikimedia.org/wikipedia/commons/thumb/8/8e/Lux.Gary-150401-5798_%2817005144292%29.jpg/220px-Lux.Gary-150401-5798_%2817005144292%29.jpg)
Ea is scho oisa Bua noch Östareich zogn und hod Elektrotechnika gleant; nocha hod a klossischs Klavia studiat. In de Ochzgajoah hod a wieda a Zeid laung in Amerika glebt, wora mim John Travolta, Chick Corea und Julia Migenes zaumgoawad hod. Nocha ois Musika mim Wolfgang Ambros, Rainhard Fendrich und Georg Danzer.
Ea woa da musikalische Leita vo de Sendungan Grand Prix der Volksmusik, Starnacht am Wörthersee, Starnacht im Montafon und Wenn die Musi spielt Sommer Openair. Fia Licht ins Dunkl hoda's Liadl Wer hat Recht komponiat. Aa de Ö3-Jubiläums-CD Wie beim ersten Mal, de wos 14 Wochn in de Charts woa, staumt vo eahm. Gmeinsam mim Ulli Bäer (Gitorr), Harald Fendrich (Bass) und Harry Stampfer (Schlogzeig) büdns de Band „Wir 4“.
Da Gary Lux hod zwoa Buam; sei Frau is leida 2011 gstuam.
Teilnauhm aum Eurovision Song Contest
Werkeln- 1983 Hurricane (ois Mitgliad vo da Gruppm Westend, Plotz 9)
- 1984 Einfach weg (backing vo da Anita, Plotz 19 mit 5 Punktn)
- 1985 Kinder dieser Welt (Plotz 8)
- 1987 Nur noch Gefühl (Plotz 20 mit 8 Punktn)
- 1993 Maria Magdalena (backing fian Tony Wegas, Plotz 14)
- 1995 Die Welt dreht sich verkehrt (backing fia de Stella Jones, Plotz 13)
Literatua
Werkeln- Monika Kornberger: Lux, Gary. In: Oesterreichisches Musiklexikon. Online-Ausgabe, Wean 2002 ff., ISBN 3-7001-3077-5; Druckausgabe: Band 3, Verlag der Österreichischen Akademie der Wissenschaften, Wean 2004, ISBN 3-7001-3045-7.