Ĝenevo
Ĝenevo (france Genève [ʒəˈnɛv], germane Genf [ɡɛnf], itale Ginevra [d͡ʒiˈne:vra], romanĉe Genevra [d͡ʒeˈne:vra]) estas urbo en Svislando, ĉefurbo de la samnoma kantono Ĝenevo, ĉe la okcidenta rando de lago Lemano, kie elfluas la rivero Rodano.
![](http://178.128.105.246/content-http-upload.wikimedia.org/wikipedia/commons/thumb/3/3d/Geneva_panorama_banner.jpg/775px-Geneva_panorama_banner.jpg)
Ĝenevo | |||||
---|---|---|---|---|---|
![]() | |||||
![]() | |||||
ĉefurbo de kantono de Svislando • universitata urbo • urbo en Svislando • urbego • komunumo en Svislando | |||||
Kantono | Ĝenevo | ||||
Distrikto | Ne estas distriktoj en la Kantono Ĝenevo | ||||
Koordinatoj | 46° 12′ N 6° 9′ O / 46.200 °N, 6.150 °O (mapo) | ||||
Nombro de loĝantoj | 185 726 | ||||
Areo | 15,86 km² | ||||
Alteco | 375 m super marnivelo | ||||
Poŝtkodo | 1200 | ||||
Komunumkodo | 6621 | ||||
![]() | |||||
Administrado | |||||
| |||||
En TTT | Oficiala retejo [+] | ||||
Demografio | |||||
Loĝantaro | 203 840 (2022) [+] | ||||
Loĝdenso | 12 804 loĝ./km² | ||||
Geografio | |||||
Geografia situo | CH1903: 500533 / 117323 (mapo)46.26.15Koordinatoj: 46° 12′ N, 6° 9′ O; CH1903: 500533 / 117323 (mapo) [+] | ||||
Alto | 373,6 m [+] | ||||
Areo | 15,92 km² (1 592 ha) [+] | ||||
Horzono | UTC+01:00 [+] | ||||
![]() | |||||
| |||||
| |||||
Alia projekto | |||||
![]() | |||||
Laŭ la stato de 2022 en la komunumo vivis 203 840 loĝantoj sur areo de 15,92 kvadrataj kilometroj, kio rezultigas loĝdenson de 12 804 loĝantoj/km². La plejparto el ili parolas la francan, kiu estas la oficiala lingvo de la urbo kaj kantono.
Historio
redakti- La pravilaĝon fondis la kelta popolo de la Alobrogoj. Cezaro vokis tiun vilaĝon Geneva (De Bello Gallico, 1:7).
- En la 5-a jarcento, Ĝenevo iĝis ĉefurbo de Burgundio.
- En 563 cunamo detruis la urbon.
- En 1536 alvenis Kalvino, kiu iniciatis teokratian regadon. La Respubliko de Ĝenevo aŭ en franca République de Genève estis antikva ŝtato de Eŭropo ekzistanta inter 1541, dato de sia proklamo fare de Jean Calvin, kaj 1798, dato de sia aligo fare de Francio, post 1813, dato de sia restaŭrado. Ĝenevo apartenis al la napoleona Unua Franca Imperio ĝis 1813. En 1814-1815, la ĝeneva ŝtato iĝis svisa kantono de la Svisa Konfederacio de la 22a kantonoj.
Vidindaĵoj
redakti- Ĉe la suda rando de Rodano kaj Lemano situas la Rues-Basses [rü bas] (Malaltaj Stratoj), komerca centro de la urbo (stratoj Rue du Rhône, Rue de la Confédération, Rue de Rive, Place Molard).
- En la plej alta punkto de la Malnova Urbo estas la Preĝejo de Sankta Petro (Temple St-Pierre), la katedralo de Ĝenevo.
- Norde de la lago estas la Palaco de la Unuiĝintaj Nacioj (Palais des Nations).
- Geneva Biblioteko
- Parko Délices kun la Instituto kaj Muzeo Voltaire
- Etnografia Muzeo en Ĝenevo
Servoj
redaktiSporto
redaktiEn 1998 la Federacia Pokalo (nova nomo ekde septembro 2020 Pokalo Billie Jean King), la plej grava konkurso pri naciaj virinaj naciaj teamoj de teniso, okazis en Ĝenevo.
Esperanto en Ĝenevo
redaktiEn 1905 fondiĝis la Esperanto-grupo La Stelo, kies prezidanto komence estas Henri Dubois.
En Ĝenevo okazis la 2-a Universala Kongreso de Esperanto en 1906 kaj la 17-a UK en 1925. Universala Esperanto-Asocio havis sian sidejon en tiu ĉi urbo de la fondiĝo en 1908 ĝis 1919, post jaro en Berno denove en Ĝenevo ekde 1920 kaj de tiam ĝis 1947. En tiu jaro la sidejo eknomiĝis Serva Centro. Ĝi funkciis ĝis 1960/1962 ĉefe kiel stokejo de la Biblioteko Hector Hodler; la plej multajn librojn oni en tiuj jaroj transportis al la Centra Oficejo en Roterdamo.
En 1922 la kantono Ĝenevo invitis la unuan Tutmondan Konferencon pri Instruado de Esperanto.
En 1980 la Serva Centro malaperis el la statuto.
En 2007 Ĝenevo gastigis la Ĝeneralan Kunvenon de Svisa Esperanto-Societo.
En 2008 okazis ĉe Unuiĝintaj Nacioj komuna simpozio de UN kaj UEA pri lingvaj rajtoj.
En la jaro 2009 la urbo mem renovigis kaj denove inaŭguris la memorŝildon pri Zamenhof en la Strato Vieux-Collège 12. Tiu memorŝildo rememorigas pri la veno de Zamenhof al la urbo Ĝenevo en la jaro 1905. En Ĝenevo troviĝas la esperanto-klubo La Stelo kaj la esperanto-klubo Espéranto Genève-Régions Arkivigite je 2016-03-05 per la retarkivo Wayback Machine.
Esperantistoj el Ĝenevo
redaktiEldonitaĵoj en Esperanto
redakti- Ĝenevo, sidejo de la Ligo de Nacioj. — 16 paĝa ilustrita gvidlibreto tra Ĝenevo lukse eldonita kun kolorita plano de la urbo. 12 X 18 cm. Eld. de la Association des Interets de Geneve, Ĝenevo, 1926?
Famaj civitanoj de Ĝenevo
redakti- Johano Calvino (1509-1564), teologo kaj protestanta refomatoro.
- Johano Diodato (1576-1649), diplomato, hebreisto, kalvinisto, teologo kaj biblitradukisto, profesoro pri la hebrea en la Universitato de Ĝenevo.
- Théodore Tronchin (1709-1781), kuracisto.
- Jean-Jacques Rousseau (1712-1778), filozofo kaj verkisto.
- Guillaume-Henri Dufour (1787-1875), generalo de la Svisa Armeo dum Apartfederacia Milito, kunfondinto de la Ruĝa Kruco kaj ties unua prezidanto.
- Rodolphe Töpffer (1799-1846), inventisto de la bildhistorioj (bildliteraturo).
- Pierre Edmond Boissier (1810-1885), botanikisto.
- Henri Dunant (1828-1910), iniciinto kaj kunfondinto de la Ruĝa Kruco, nobelprimiito pri paco.
- Denis de Rougemont (1906-1985), verkisto
- Hungara politikisto Albert Apponyi kaj hungara antropologo Aurél Török mortis en Ĝenevo.
- Lilly Steinschneider, la unua hungara virina piloto mortis en Ĝenevo
- Vincent Adler, hungardevena pianisto
- András Párniczky, hungara gitaristo naskiĝis en Ĝenevo
- László Somogyi (dirigento) mortis en Ĝenevo
- Árpád Bogsch, juristo mortis en Ĝenevo
- Andor Máday, hungardevena svisa bibliotekisto mortis en Ĝenevo
Bildoj
redakti-
La fontano en la lago Lemano, simbolo de la urbo
-
Rue du Vieux-Collège 12, Genève. Foto Mireille Grosjean
-
Rue du Vieux-Collège 12, Genève. Foto Mireille Grosjean
Vidu ankaŭ
redaktiEksteraj ligiloj
redakti- Oficiala retejo de la urbo Ĝenevo
- Bildoj de Ĝenevo en la Bildarkivo Aŭstria
- Retejo de la ĝeneva Esperanto-grupo La Stelo (esperante)
- pri Ĝenevo en Ĉina Radio Internacia (esperante, elsendo de julio 2020)
- Vidu ankaŭ en la Vikimedia Komunejo la kategorion Ĝenevo – (Kolekto de bildoj kaj plurmediaj dosieroj)