Hugo Sirk

Hugo SIRK, n. 1880, mortis la 15-an de decembro 1959, estis profesoro pri fiziko en la Universitato de Vieno kaj lektoro pri Esperanto en la Teknika Universitato en Vieno.

Sirk verkis multajn sciencajn artikolojn en la Internacia Lingvo kaj tradukis el la germana. Li ankaŭ verkis pri homaranismo kaj la historio de Esperanto. De la reorganizo de la Internacia Somera Universitato en 1948 li ĉiujare regule faris prelegon pri fizika temo ĝis sia mortojaro 1959.

Plena Ilustrita Vortaro (PIV, 1970) notas lin inter la kunlaborintoj por la fako "fiziko".

Tradukoj

Topolansky; Franz. 100 pikantaj panŝmiraĵoj. Ruhm-Verlag, 1935 (neind.)

„ Kuira libro en Esperanto, kiu pritraktas ekskluzive receptojn por panŝmiraĵoj, pikni- kaj sandviĉoj, k.s., kolektitajn el 120 kuirlibroj. Legado instigas al diskuto pri kelkaj terminoj uzitaj, kaj la aŭtoro invitas kritikojn el tiu vidpunkto. La verko ŝajnas tute praktika, kaj povas liveri multajn utilajn ideojn al la dommastrino, kiu serĉas ion novan tamen ne kostan. Troviĝas kelkaj, sed kompare malmultaj, receptoj vegetaraj. ”

— La Brita Esperantisto - Numero 382, Februaro (1937)

Bibliografio

1960: Forpasis Profesoro Hugo Sirk. Nekrologo en: Esperanto (UEA) 53-a jaro, 1960, p. 30

Eksteraj ligiloj

Libroj kaj aliaj dokumentoj^{[rompita ligilo]} de kaj pri Hugo Sirk en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
Artikoloj de kaj pri Hugo Sirk en Elektronika Bibliografio de Esperantaj Artikoloj (EBEA)

Bibliotekoj