Carlos Kleiber
Carlos Kleiber (Berlin, 1930eko uztailaren 3a- Konjšica, 2004ko uztailaren 13a) austriar orkestra-zuzendaria, jatorriz alemaniarra. Erich Kleiber austriar orkestra-zuzendariaren semea da. 1935ean, Carlosen aitak Argentinara emigratu zuen. Hori dela medio, Carlosek Buenos Airesko Colón antzokian egin zituen musika-ikasketak. Europara itzuli zenean, kimika ikasi zuen, baina berehala utzi zuen bide hura, eta musikari ekin zion buru-belarri. 1952an, Municheko Gärtnerplatzeko errepikatzaile izan zen, eta, 1954an, orkestra-zuzendaria, Potsdamen. Horretaz gainera, musika-zuzendari izan zen Europako hainbat operatan: Rhineko Alemaniar Operan (Düsseldorf-Duisburg, 1956-1964), Zuricheko Operan (1964-1966), Stuttgartekoan (1966-1972). Stuttgarteko Operan, lan handia egin zuen, eta zorroztasun handiz zuzendu zituen egile germaniarrak (Weber, Wagner, Berg), frantsesak (Bizet) eta italiarrak (Verdi, Puccini). 1974tik 1976ra Bayreutheko Jaialdira gonbidatu zuten, eta baita Pragako Udaberriko Jaialdira ere, 1974az geroztik.
Carlos Kleiber | |||
---|---|---|---|
1958 - 1964 | |||
Bizitza | |||
Jaiotzako izen-deiturak | Karl Ludwig Bonifacius Kleiber | ||
Jaiotza | Berlin, 1930eko uztailaren 3a | ||
Herrialdea | ![]() | ||
Heriotza | Konjšica (en) ![]() | ||
Hobiratze lekua | Konjšica (en) ![]() | ||
Familia | |||
Aita | Erich Kleiber | ||
Ezkontidea(k) | Stanislava Brezovar | ||
Hezkuntza | |||
Heziketa | ETH Zürich Riverdale Country School (en) ![]() | ||
Hizkuntzak | alemana | ||
Jarduerak | |||
Jarduerak | orkestra zuzendaria | ||
Jasotako sariak | |||
Kidetza | Bavariako Arte Ederren Akademka | ||
Genero artistikoa | musika klasikoa | ||
Diskoetxea | Deutsche Grammophon (en) ![]() | ||
![]() ![]() ![]() ![]() ![]() ![]() ![]() ![]() ![]() |
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.