Kolkhoz
Kolkhoz (errusieraz, колхоз, kɐˈlxos ahoskatua; коллективное хозяйство hitzen laburdura; etxalde kolektiboa) Sobietar Batasun ohian, nekazarien enpresa izan zen, kooperatiba moduan eratua.
![](http://178.128.105.246/content-http-upload.wikimedia.org/wikipedia/commons/thumb/8/8e/Senokos_v_Moldavii.jpg/250px-Senokos_v_Moldavii.jpg)
Sobietar gobernuak 1929. urtean hasitako lurraren sozializazioaren ondorioz, kolkhozak ugaldu eta indartu ziren. Lurrak estatuarenak izanik ere, kooperatibek lantzen zituzten, eta emaitzak estatuari eta beste batzuei saltzen zizkieten. Nekazariek jasotzen zuten soldata lanaren kantitatearen eta kalitatearen arabera neurtzen zen.
Kolkhozek garapen handia lortu zuten 1940-1960 bitartean, baina industriaren indartzeak langileak erakarri zituen alde guztietatik, eta ondorioz nekazaritzaren galera ekarri zuen, eta baita kolkhozena ere. 1992tik aurrera, kolkhozak pribatizatu egin ziren.
Ikus, gainera
aldatuErreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.