Sveti Stefan
Sveti Stefan (Montenegroeraz: Свети Стефан; italieraz: Santo Stefano di Pastrovicchio, gaztelaniaz: San Esteban) kostaldeko gune turistikoa da, eta Budvako hego-ekialdean dago, Budvako Rivieran. Jatorriz uharte bat zen, baina gaur egun istmo batek kontinentearekin lotzen du. Sveti Stefan arrantza-herria zen XV. mendean. 1950eko hamarkadan azken egoiliarrak kanporatu egin zituzten eta uharte txiki hau luxuzko hotel bihurtu zen, Montenegroko kostaldeko hotel esklusiboena.
| Sveti Stefan | |
|---|---|
| uhartea | |
.jpg) | |
| Administrazioa | |
| Estatu burujabe |  Montenegro |
| Administrazioa | Budva Municipality |
| Posta kodea | 85 315 |
| Geografia | |
| Koordenatuak | 42°15′22″N 18°53′29″E / 42.25611°N 18.89139°E |
 | |
| Altuera | 231 m |
| Demografia | |
| Biztanleria | 411 (2003) |
| Informazio gehigarria | |
| Telefono aurrizkia | 033 |
| aman.com… | |
1960 eta 1980 urteen artean, Sveti Stefan ospetsu bihurtu zen. Bertan denbora eman dutenen artean daude hauek daude: Marilyn Monroe, Willy Brandt, Bobby Fischer, Boris Spassky, Sophia Loren, Carlo Ponti, Monica Vitti, Ingemar Stenmark, Kirk Douglas, Jonathan Miller eta Claudia Schiffer.[1]
Eraikinek, kaleek, hormek, sabaiek eta fatxadek jatorrizko forma mantendu dute, eta barrualdeak, berriz, aldatu egin dira luxuzko hotel baten erosotasun modernoena eskaintzeko. 2009an istmoa 30 urtez Aman Resorts-en esku utzi zen, Milover erdigune turistikoarekin eta Kraljiansinako hondartzarekin batera.
Historia
aldatuSveti Stefani buruzko lehen aipamena 1442an deskribatzen da kostaldetik gertu dagoen gotorleku bat bezala, nondik Paštrovići, voivoda Radiersek zuzendua, Stjepan Vukčić Kosača erregearen indarrei eutsi zien Zetako Printzerriaren aurkako bere erasoaldian. Stjepan Vukčić Kosačak sortutako kondairaren arabera, hiriko gotorlekuak 1539an Hayreddin Bizargorriaren Kotor setioan Jazaren aurrean amarratutako itsasontzi turkiarrak Paštrovišik arpilatu ondoren eraiki ziren. Handik gutxira, Turkia-Veneziako laugarren gerran, suntsitu zuten kokalekua. Paštrovići,-ren erregu etengabeen ondoren, Veneziako Errepublikak azkenean onartu zuen lekua berreraikitzea XVI. mendean zehar.[2]
Jatorriz, uharteak eta gotorlekuak hamabi familia hartzen zituzten. XIX. mendean zehar, biztanleria 400 pertsonara igo zen.
1934 eta 1936 artean, Jugoslaviako Alexandro I.a erregearen ezkontidea zen Maria Karadordevic erreginaren udako egoitza eraiki zen, Miločer etxea.
Beranduago, eraikin guztiak jugoslaviar gobernuak erosi zituen eta hotel handi bihurtu ziren komunismoaren garaian. 1950eko hamarkadan, agintariek uharteko herritarrak kanporatu zituzten, eta mundu osoko ospetsuek erabiltzen zuten resort esklusibo bihurtu zen. Praskvicako monasterioko lau elizetako bat kasino bihurtu zuten. Hala ere, 1990eko hamarkadan Jugoslavia desegin izanak herriaren gainbehera ekarri zuen.
2006an Montenegrok independentzia lortu ondoren, gobernuak uhartearen antzinako xarma birsortzea proposatu zuen. Nazioarteko funtsei esker, berreraikitzeko proiektuak egiten hasi ziren. 2008ko maiatzaren 29an, Sveti Stefan berritzeagatik itxi zen, eta lanak 2009an amaitu ziren, kanpoko xarma zaharrari eutsiz, baina instalazio modernoekin barruan.[3]
Iruditegia
aldatu-
Eliza.
-
Kontinentearekin lotura.
.jpg){kind=link}
.jpg){kind=link}