Walther Rathenau
Walther Rathenau (Berlin, 1867ko irailaren 29a - ibidem, 1922ko ekainaren 24a) alemaniar politikaria, industrialaria eta filosofoa izan zen. Allgemeine Elektrizitäts-Gesellschaft (AEG) elkarteko lehendakariaren semea zen, eta enpresa horren zuzendaria izan zen haren ondoren. Lehen Mundu Gerra garaian Lehengaietarako Bulegoko buruzagia izan zen. Alemania Berreraikitzeko ministro izendatu zuten 1921ean, eta Wiesbadengo Hitzarmena negoziatu behar izan zuen. 1922an Kanpo Arazoetarako ministro egin zuten; Alemaniaren ordezkari izan zen Genovako Bilkuran eta Rapalloko Hitzarmena izenpetu zuen. Nazionalisten eta antisemiten gorrotoa piztu zuen Rathenauk bideratu zuen ekonomia-politikak. Ezezagun batzuek hil zuten.
![](http://178.128.105.246/content-http-upload.wikimedia.org/wikipedia/commons/thumb/2/22/Bundesarchiv_Bild_183-L40010%2C_Walter_Rathenau.jpg/220px-Bundesarchiv_Bild_183-L40010%2C_Walter_Rathenau.jpg)
Erreferentziak
aldatuWikimedia Commonsen badira fitxategi gehiago, gai hau dutenak: Walther Rathenau |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.