Pyramid
Ta'n pyramid ny hroggal raad dy vel ny h-eaghtyryn mooie nyn drooraneyn ta çheet ry-cheilley ec un voayl. Ta bun kiare-lhiateeagh ny tree-lhiateeagh oc son y chooid smoo agh foddee dy vel bun yl-lhiateeagh oc myrgeddin. T'eh shen, dy cadjin ta kiare eddinyn oc. Ta cummey yn phyramid cur raad da ard-veenidyn strughtooryn lhiaghtagh y chur er bun er yn oyr nagh vel mooarane meih ec baare y strughtoor as eh broojey er neose.
![](http://178.128.105.246/content-http-upload.wikimedia.org/wikipedia/commons/thumb/c/c2/01_khafre_north.jpg/250px-01_khafre_north.jpg)
Er fud thousaneyn dy vleeantyn v'ad ny pyramidyn ny troggallyn smoo er y Chruinney va jeant ec deiney. V'eh yn Pyramid Ruy ayns Ruillick Dashur y chied phyramid as ny yei shen va Pyramid Mooar Khufu troggit. She Pyramid Mooar Cholula y pyramid smoo rere thummid v'er hroggal 'sy steat Meksicagh Puebla. Ta'n pyramid shen foast fo toghailt.
Shenn charnaneyn
reagh- Son ny smoo fys jeeagh-shiu er: Rolley shen-phyramidyn rere çheer
Va troggallyn pyramidagh troggit ec ram ard-veenidyn, goaill stiagh lheid as ny h-Egyptee, ny Mayee, ny Sumeree, as ny Kamboydee.
Y Çheen
reaghTa ymmodee tommanyn carnane kerrinagh kione rea 'sy Çheen. Hie y Chied Ard-Ree Qin er oanluckey fo carnane mooar çheumoooie jeh Xi'an, mysh 221 RJC. Ny lurg shen, hie mysh dussan dy reeaghyn y Reeraghtys Han er oanluckey fo carnaneyn pyramidoil.
Y Rank
reaghTa pyramid Romanagh ayns Falicon, Yn Rank.[1].
Pyramidyn Egyptagh
reaghNy pyramidyn share er enney, t'adsyn ny pyramidyn Eajiptagh. T'ad troggalyn cloaie, mastey troggalyn smoo laue-jeant ny cruinney. Rish 2008, va enney ain er 138 pyramidyn Eajiptagh[2][3]. She pyramid smoo Egypt eh Pyramid Mooar Ghiza, as eshyn mastey fir smoo ny cruinney. Derrey hrog ad Ard-Hiamble Lincoln ayns 1300 BNJ, she troggal smoo ny cruinney v'ayn. Ta mooadys 52 600 meadyr kerrinagh ec cass y phyramid. Va'n pyramid shoh fer jeh ny Shiaght Yindyssyn ny Cruinney, as t'eh fer ynrican t'er mayrn foast.
Y Ghreag
reaghYn Injey
reaghShimmey pyramid mooar clagh hryal va jeant 'syn Injey Yiass rish yn Impiraght Chola, as ymmyd crauee jeant jeh kuse jeu eer nish. Ta ny çhiamblyn shoh goaill stiagh Çhiamble Brihadisvara ec Thanjavur, Çhiamble Gangaikondacholisvaram, as Çhiamble Airavatesvara ec Darasuram. Y çhiamble pyramidagh smoo 'syn ard, shen Sri Rangam ayns Srirangam, Tamil Nadu. Hug UNESCO enney Laaragh Eiraght ny Cruinney er Çhiamble Brihadisvara ayns 1987; neayr's 2004, t'ad goaill stiagh Çhiamble Gangaikondacholisvaram as Çhiamble Airavatesvara myrgeddin.[4]
Pyramidyn Mesoamericaanagh
reaghHrog kuse dy chultooryn Mesoamericaaanagh troggalyn pyramidagh. V'ad straihagh dy cadjin, as çhiamble ec kione y hroggal. Pyramid smoo Mesoamericaanagh, shen Pyramid Mooar Cholula, ayns Puebla, Meksico. Ta pyramid neuchadjin as cummey kiarkylagh ec Cuicuilco, Mexico City; ta'n chooid smoo jeh fo leavey er coontey shenn vleastey Xictli.
Pyramidyn Mesopotaamagh
reaghHrog ny Mesopotamee pyramidyn, ny "zigguratyn". V'ad daahit tra dy row, as jeant ass brickyn laaghey; myr shen, cha nel monney jeu er mayrn.
Pyramidyn ayns America Hwoaie
reaghRen sheshaghtyn troggeyder carnaneyn ayns America Twoaie troggal carnaneyn mooarey pyramidagh. Ta Monk's Mound ec Cahokia mastey ny fir smoo as share er enney. Cha nel fys kiart ain er obbyr ny carnaneyn, agh t'ad credjal dy row laue oc ayns bea crauee ny sleih.
Pyramidyn Nubiagh
reaghHie pyramidyn Nubiagh er troggal ec tree buill ayns Nubia, myr tommanyn da reeaghyn as benreinyn Napata as Meroë. Va mysh 220 jeu ayn. Hrog ny Nubee ny smoo pyramidyn na ny Eajiptee, agh t'ad ny sloo. Va uillin strimmey oc na v'ec fir Eajiptagh[5].
Y Raue
reaghVa Pyramid Chestius 27-meader er yrjid er ny hroggal rish jerrey y chied eash RJC, as t'eh er mayrn foast. T'eh ny hoie faggys da Porta San Paolo. Hie fir elley, Meta Romuli 'syn Ager Vaticanus (shen Borgo jiu), er stroie ec jerrey y 15oo eash.
Y Chamboyd car ny h-Ard-veenid Mooar - Impiraght ny Kamboyd (802-1434)
reaghYn Oarpey Vean-eashagh
reaghPyramidyn noa-emshyragh
reaghLout fotografyn
reagh-
Pyramid Stockport ayns Stockport, Reeriaght Unnaneysit
-
Yn Walter Pyramid ayns Long Beach, California
-
Y Pyramid Arena ayns Memphis, Tennessee
-
Ruillick Metairie, New Orleans
-
Transamerica Pyramid
Imraaghyn
reagh- ↑ Henri Broch (1976), La mystérieuse pyramide de Falicon, Éditions France-Empire, ISBN B0000E80JW
- ↑ "In the Shadow of a Long Past, Patiently Awaiting the Future" (2008-11-17). New York Times.
- ↑ Mark Lehner (2008). The Complete Pyramids: Solving the Ancient Mysteries. d. 34.. Thames & Hudson.
- ↑ UNESCO.
- ↑ Necia Desiree Harkless (2006). Nubian Pharaohs and Meroitic Kings: The Kingdom of Kush. AuthorHouse. ISBN 1425944965.
Lioaryn
reagh- Patricia Blackwell Gary as Richard Talcott, "Stargazing in Ancient Egypt," Astronomy, Mean Souree 2006, pp. 62-67.
- Fagan, Garrett. "Archaeological Fantasies." RoutledgeFalmer. 2006
- Wolfgang Kosack: Die altägyptischen Pyramidentexte. In neuer deutscher Uebersetzung; vollständig bearbeitet und herausgegeben von Wolfgang Kosack Christoph Brunner, Berlin 2012, ISBN 978-3-9524018-1-1.
She bun ta'n art shoh. Cur rish, son foays y yannoo da Wikipedia. |